RECEITA:
Este prato consumíase nos meses máis cálidos (Xunho / Outubro), e é típico das montañas de Lugo, aínda que se consumía en toda Galicia. Máis que unha receita, o leite callado é o resultado do proceso natural de deixar un cazo con leite no lugar máis quente da cociña durante unha noite (nalgunhas casas había unha calleira destinada expresamente a este fin). Ó dia seguinte o leite estaba callado e podíase comer a culleradas.
VARIANTES:
Outro xeito, igualmente natural, de callar o leite consistía en poñelo ó lume e (antes de que comezara a ferver) removelo, sempre no mesmo sentido, cunha pequena póla de figueira (o líquido esbrancuxado desta ramiña axudaba a que callara). Unha vez fervido, deixábase repousar e ó pouco tempo o leite estaba callado.
GALICIA PARA COMELA (VOLUME I) HÉRCULES DE EDICIONES S. A.
O Pomar 