Predin as catástrofes coa mesma facilidade que as provocan. Non lles chega que a lei conceda o dereito á libre empresa, ao comércio, á plusvalia, queren exercer tudo isto en propriedades alleas, públicas, universais.
HOMES DE GRAVA E AREA
Quince anos custoulles destruir o que a Natureza atesourou durante millóns. Silandeiros portadores de maletins mouros, cotiás ocupantes de antesás brancas de despachos, cobizosos mercadores de maquinárias ruidosas espallaron os seus tentáculos de pás, chuponas, barcazas, deterioro e beneficio no que antes era chamado río Miño. Ninguén reclamou a sua preséncia. O mesmo río que vira cun surpresa a vikingos e romanos na percura de tesouros, ficou abraiado ao comprobar os propósitos dos novos invasores: destruilo!
CARLOS ALONSO (PUBLICADO EM “A PENEIRA” – ANO I, 1984)
