Xá vés quantas cousas fai o calor, non obstante, non é mais que um accidente, cuxa natureza, como a das demais cousas, é desconhecida. ¿Como pode el só, desempenhar tantas funçóns? Resulta difícil de entender, mais difícil de expressar, e dificilíssimo, por non dizer impossíbel, conseguir âmbas cousas xuntas. A pesar de tudo, distinguem o que se fai “per se” do que se fai “ex accidenti”, replicam mostrando a diversidade de obxectos, qualquera dos quais resulta mais difícil que o primeiro. ¿Quem conhece com exactitude unha diversidade semelhante? Ninguém! Somente afirmam algunhas cousas probábeis; que saibam com certeza, nada! Mas disto trataremos mais tarde. Por agora, baste saber, que non sabemos nada completamente! Por idêntica razón, o mesmo efeito, producido por causas contrárias, nos sume na maior ambiguidade. A frialdade produce-se tanto polo movimento (por exemplo, na actividade do corazón, do tórax, das artérias, e ao axitar a àgua quente), como polo repouso (por exemplo, quando descansa um home acalorado polo movimento). Da mesma maneira, o calor procede do movimento, como nunha carreira, e do repouso, como quando o corazón se detêm ou non remôves a àgua em ebuliçón. A negrura vem do calor, como no caso dos etíopes, e do frío, como num membro morto, ou durante largo tempo mantído em alto, principalmente se por unha constricçón se impêde o passo dos espíritos através das artérias. A putrefacçón vem de todas as qualidades, excepto da sequedade. Mas, non é só isto, senón que ademais, um contrário produce-se por outro: o calor polo frío, como na cal fría, ao ser humedecída, e em nós, nas fontes e na terra durante o Inverno ( de aí a sentênça “As barrigas están muito quêntes em Inverno e em Primavera”); o frío polo calor, como nos corpos quêntes queimados, nos etíopes, que están fríos por dentro, ao igual que nós o estamos no Vrán. Como ocurrem estas cousas, é algo que non entendo em absolucto! ¿Tampouco, polo tanto, o entendem os demais? Non chego necessariamente a tal conclusón, mas, sinceramente que mo parece!
FRANCISCO SÁNCHEZ
O Pomar 