Arquivos diarios: 15/02/2018

.

               Segunda Concubina.  O once de Febreiro de 1911 fún a Ponte e encontrei unha rapariga (Manuela) e den-lhe de comer e despois vem comigo até ás aforas de Ponte, ali…….. despois sonhei com unha nena (Mar) que estava com ela a…..  o Spírito malo, non cesaba de me molestar.  O ano de 1911 fún à festa das Angustias e bailei com Generosa da Portela, e dixem-lhe se queritur despossara mécum, dixo que sí, despois marchou, e non se fixo mais polo dito.  Eu enseguida me encontrei com unha mulher coxa, e alá sonhei o seguinte.  Visón. Estava num sítio extranho, falando com algunha xente que non conhecia, e non sabia se alí darian pousada, vin um home vestido de preto, pronunciando unhas frases que se me esqueceron, e facendo xestos indecentes.  Eu levantando a vista ó Céu vin o Sol que iba com asas, ás seis da tarde, parecendo estar algo encoberto.  Dixen eu com vivo pranto, vou consultar (C.), mas pareceu-me tarde, e seguin, mas non se me representou mais nada.  Enfermedade.  Desde o día 23 de Abril que me começei a sentir de mala maneira, até à data do três de Maio de 1911, que me sentin com fríos, tremor de queixos, fraco de forzas, cansado, sonhos temíveis, sem vontade nenhuma de comer, sem memória, aturdido da cabeza, inchado, com revoluçón de aire na barriga, etc…  Visón.  O meu ente querido…  Estando eu xunto duns regatos, que facian partes rectas, curvas, e quebradas, falei com unha nena, acto seguido virei-me para o outro lado, agarrei um ferro parecido a um coitelo, decindo eu, “mira que pica”, acto seguido, vexo que o ferro estava nas mans da que fora meu ente querido (Prª da Pa), e por espaço de cinco minutos estivem com os meus olhos fixos no rosto dela, e ela em mim, dixem-lhe mais palabras, que me esqueceron e ela non respondia nada, despertei e levantei-me com unha pena desgarradora.  Todo o día andei despavorido.  Sybila.  O 21 de Maio de 1911, sentindo-me com unha dor na cabeza fai alguns dias, pola manhán fún a Mondariz, e vinhem por Queimadelos (Srª Tsa) e encontrei-a doente…  de noite tivem outra visón.

manuel calviño souto