.
Na croa de Lañas
aparece, na madrugada,
unha galiña coa súa rolada de pitos.
Pitos de ouro que non deixan rastro,
que ninguén puido coller.
Disque é un Encanto, unha doncela
que antes da mencida
sai a peinarse os cabelos roxos
cun peite de ouro.
Tamén ninguén pode coller
un sol que de súpeto
irrompe pola eira
logo dunha enlutada e bretemosa vella
como a bretemosa mañá
abrir o galiñeiro
da galiña dos pitos dourados.
O Pomar 