.
Este restaurante, que fora descoverto por min, alá pelo tempo das “vacas gordas”, na época anterior á “crise” neo-liberal-europeia-ó-norte-americana, que inevitábelmente nos viria cair encima como patinhos. O que mais afectou á nossa bolsa e á nossa vida, foi o “câmbio de moeda” que d’um só batacazo, nos arrebatou a mitade do ordenado. Ficava ó lado dos Arcos do Val do rio Vez, nunha casa de labradores, toda feita de pedra e rodeada de vinhas altas, que lhe davan encanto e frescura no vrán. Chamava-se daquela “O Grelo”, fomos com frequência durante anos, apesar dos trinta e tal kilómetros que havia que percorrer desde Monzon, pola antiga e sinuosa, ainda que bela estrada nacional. O prato estrela, era o “bacalhau á lagareiro”, divinamente preparado e acompanhado de batata á murro. Depois mudou de nome e modernizou-se, e talvez muda-se também de cozinheira, porque a cozinha baixou muito. Assim passaron os tempos, até que hoxe em dia, sexa possíbelmente o melhor sítio para comer de toda a província de Viana do Castelo.
LÉRIA CULTURAL
Publicado en Uncategorized
.
Todos os mares teñen un misterio.
O mar que está ante min,
este mar que ondea aquí en Lisboa
mecido por vaivéns de seu,
recría ondas de lonxanos mares,
aporta vagas senlleiras:
vagas
inexcrutábeis como um segredo,
longas cal unha voz
de profunda caverna
chea de mensaxes saudosas
e lembranzas eternas.
Este mar grandioso, exaltado, libre
traime a túa alma chea de degoros.
Cada barco é case todos os barcos.
Cada naufraxio é case todos os naufraxios.
Cada abismo é case todos os abismos.
Cada onda é case todas as ondas.
Cada onda arrastra un agarimo.
e encerra un designio.
Cada onda acorda anacos do teu soño,
rapta verbas inaudíbeis dun deus.
Cada onda persegue algunha historia:
unha historia
indescifrábel como as velhas árbores
abaneadas por primaveras novas,
clara como as palabras sospeitadas.
Cada onda procura algún misterio
comprensíbel para todos
e para todos tamén inefábel…
E quedamos calados, abraiados,
Tal vez sós ou tal vez acompañados
E indecisos quedamos
ollando, coas nosas preguntas suspendidas.
francisco candeira
Publicado en Uncategorized
.
O Pomar 