Os mellores días para observar o ceo neste verán de 2012 serán, como soe ser habitual, os días de lúa nova, e que cadran no 19 de xuño, o 18 de xullo, o 17 de agosto e o 15 de setembro.
Estarán moi visibles os planetas Saturno e Marte, ademais da habitual constelación de Saxitario e a zona do triángulo do verán, coas estrelas Altair, Vega e Deneb nos seus vértices.
Ver máis información no artigo de Antonio Pérez Verde, no Huffingtonpost.
Inauguramos esta sección de recomendacións de blogs dos que asinaríamos algúns ou moitos dos seus artigos, co blog Principia Marsupia, de Alberto Sicilia, investigador en física teórica,
e moi visitado estes días pola publicación do artigo “Carta dun investigador al Rey Don Juan Carlos”, pero que tamén ten bos artigos sobre literatura, ciencia e outros temas sensibles, intercalados con notas de humor.
Recomendo entre eles:
Los beneficios de mi fracaso Las ideas científicas más hermosas, profundas y elegantes La ciencia es poesía: somos hijos de las estrellas ¿Quién enseñó inglés a William Shakespeare? La verdad de un actor Primera carta a Camps Segunda carta a Camps Cambridge y yo Adiós maestro Kurt Vonnegut: humor, inteligencia y ternura Mis mujeres, Alfred Hitchcock y los chistes malos Pienso, luego ya tu sabes Selección de chistes malos Física Cuántica para orangutanes perezosos ¿Es fácil construir una bomba atómica?Publicado en Conciencia social, Tempo de lecer
Etiquetado Astronomía,Blogs para curiosear,Humor,Literatura
Hai poucos días descubriuse unha supernova na galaxia M101 en Osa Maior. A noticia aparece recollida no diario El Pais, onde se sinala que a comezos de setembro será visible inclusive con prismáticos!
Os días 24 e 25 de xullo, de 23:30 a 3:00 horas, Xose e Antonio celebramos a primeira media maratón Messier en Guillade. Atopamos 30 obxectos celestes dos 110 do catálogo Messier. Foi unha sesión moi produtiva, a pesares de que molesta bastante a luminosidade do alumbrado público. Aínda así as condicións de visibilidade foron aceptables, ao menos para localizar os obxectos, a temperatura foi agradable e a noite bastante limpa.
Instrumentos que utilizamos: Telescopio GSO 8″, dobson. Ocular hyperion zoom 8-24 mm. Prismáticos de 10 aumentos, lanterna con luz vermella, caderno e bolígrafo. Mapas celestes (Skymaps), Libro “Astronomía. Guía para el aficionado”, de Antonín Rükl, Ed. Susaeta; aplicación de software “Stellarium“.
Obxectos observados: en total 31 obxectos celestes do catálogo Messier e o planeta Saturno.
Saturno atópase en Virgo e sobre as 12 da noite xa desaparece do campo de visión. As condicións de visibilidade son pobres porque está baixo no horizonte.
Catálogo Messier:
En Osa Maior: M 51 Galaxia espiral (Moi difusa, difícil de percibir), M40, estrela dobre.
En Cans de caza: M3 Cúmulo globular
En Serpe: M5 Cúmulo globular
En Hércules: M13 e M92, cúmulos globulares
En Ofiuco: M10 e M12, cúmulos globulares
En Escorpión: M4, cúmulo globular, M6 e M7, cúmulos abertos.
En Escudo: M11, cúmulo aberto
En Saxitario: M22, M28, M55, M54, M70, M69, cúmulos globulares; M25, M23, M21, M18 cúmulos abertos; M17 nebulosa Omega, M16 nebulosa Águia, M20 nebulosa trífida; M8 Nebulosa Laguna. (O itinerario de busca en Saxitario foi o seguinte: comezar por M22, cerca está M28. Desde M22 subir a M25, seguir subindo a M18, M17 e M16. Regresamos a M25 e á súa dereita atopamos M23, baixamos ata encontrar a M21, M20 e M8. Xa abaixo da teteira están M54, M70 e M69; á esquerda de M54 está M55).
(Ver os obxectos de Saxitario pinchando no mapa da web do Catálogo Messier)
En Lira: M57, nebulosa planetaria
En Raposa: M27, nebulosa planetaria
En Cisne: M39, cúmulo aberto
En Pegaso: M15 cúmulo globular
En Acuario: M2, cúmulo globular.
Seguiremos outro día e intentaremos chegar aos 50 obxectos celestes!
Actualización 26 de xullo Hoxe vimos 7 obxectos máis:
En Escorpión: M80, M62 Cúmulos globulares
En Ofiúco: M19, M9, M14 Cúmulos globulares
En Cans de Caza: M94, Galaxia espiral
En Escudo: M26 Cúmulo aberto
Actualización 31 de xullo Vimos 3 obxectos máis:
En Coma Berenice: M53 (cúmulo globular) e M64 (galaxia)
En Osa Maior: M101 Galaxia
Tamén vimos o planeta Neptuno, de magnitude 7,8, en Acuario.
Diría que foi nas noites escuras e estreladas da infancia cando naceu a miña afección pola astronomía. Pero callou un día, cando andaba xa nos 20 anos, arredor dun libro perdido que quixo facerme compaña na convalecencia dunha enfermidade, e que tiña escondido nunha das súas páxinas un pequeno mapa con 3 ou 4 constelacións da zona circumpolar. Foi tal a emoción dese descubrimento que me sentín como o pirata da pata de pau que nunha illa deserta atopa nun cofre oculto o mapa dun gran tesouro e que a partir dese momento só soña con el. Pasou o tempo e foron miles os tesouros que se foron desvelando, e que pasaron a encher o cofre luminoso que hoxe gardo na miña querida memoria.
Este verán no clube gastro-astronómico de Guillade mercamos un telescopio para dar un novo saltiño nesta aventura cósmica. É un Telescopio Dobson GSO 203mm/1200mm (f6) DELUXE. E a primeira impresión foi espectacular. A lúa vista como nunca antes, nítida e luminosa cos seus cráteres e mares. Xúpiter cunha banda de cor e os seus 4 satélites, e moi cerca del o puntiño azul de Urano. Despois unha longa lista de cúmulos abertos e globulares, de nebulosas difusas e planetarias, estrelas dobres,… Vai agora un recordo para os cúmulos globulares M13 en Hércules, M2 en Acuario, M15 en Pegaso… os cúmulos abertos en Perseo, o M11 en Escudo… as nebulosas M8, M17 e M20 en Saxitario… as nebulosas planetarias M57 en Lira e M27 en Raposa… as estrelas dobres Albireo, Mizar, Almarak…
Algúns enlaces interesantes para introducirse ao apaixoante mundo da astronomía poden ser os seguintes:
Simulador de telescopios: Podemos ver a lúa a través dun telescopio no que podemos ir modificando o número de aumentos para vela máis grande.
Mapa da Lúa: Un bo mapa para comezar, coa localización dos accidentes xeográficos máis destacados (mares, cráteres, montañas, etc.)
Potencias de 10: Temos aquí unha presentación que nos permite visualizar como decrecen os tamaños do mundo físico, nunha viaxe que nos leva dende os confíns do universo, pasando polo tamaño humano, ata o interior dos átomos.
Mapas e efemérides celestes actualizadas: da web http://perso.wanadoo.es/jripero/efemerides.htm Describe pormenorizadamente os obxectos celestes que se poden observar mes a mes.
Mapas celestes actualizados: Na web de Skymaps podemos descargar mapas mensuais cunha descrición breve dos obxectos estelares máis interesantes para observar nese momento.
Catálogo Messier (na Wikipedia): Para profundizar na observación de obxectos celestes (nebulosas, cúmulos, galaxias…) é moi coñecido o Catálogo Messier, que conta con 110 obxectos celestes rexistrados.
Sinxela introdución ao mundo dos telescopios : En http://www.telescopio.3a2.com/ podemos informarnos dos diferentes tipos de telescopios, como funcionan, etc.
Foro de astronomía: En Asociación Hubble temos un foro moi visitado e onde podes atopar respostas a moitas das túas preguntas
Foro de astronomía da Asociación Rias Baixas, de Vigo: fan xuntanzas para observar o ceo pola zona de Vigo e tamén no alto de Fonte Fría, na Cañiza.
Fotos de astronomía: Da web observatorio.info
Máis imaxes nesta páxina: web elfirmamento.com
Stellarium: É unha boa aplicación para o ordenador onde podemos visualizar o ceo nocturno do día e hora que queiramos. Tamén con Google Sky podemos buscar calquera obxecto celeste e ver en que lugar do ceo se atopa.
Observatorios astronómicos na provincia de Pontevedra: Contamos ao menos con 2 observatorios astronómicos de construción recente, un en Cotobade e o outro en Forcarei.
O Pomar 