OOOOOOOOOOOOOOOOOOOOOOOOOOOOOO

       A PORTELA OU VIGAIRA

OOOOOOOOOOOOOOOOOOOOOOOOOOOOOO

O MARCO DA PORTELA, FRONTEIRA ENTRE GUILLADE-CUMIAR-OLIVEIRA

             É um dos marcos históricos principais, que delimita a fronteira entre Bigotes e o Coto do Santo Tomé, e está referênciado no Catástro de Ensenada.

oooooooooooooooooooooooooooooo

             AS CARBALHAS

OOOOOOOOOOOOOOOOOOOOOOOOOOOOOO

CASA DAS CARBALHAS

(O DONO DESTA CASA SUICIDOUSE, PORQUE NON ACABABA DE RECIBIR UNHS DINHEIROS QUE TINHA NO BRASIL.  POUCOS MESES APÓS  A SUA MORTE, CHEGARON POR FIM OS MALFADADOS CARTOS.

AQUI NESTA CASA PRESTADA VIVEU A CATALINA.

OOOOOOOOOOOOOOOOOOOOOOOOOOOOOO

        carta dos vecinhos da portela

OOOOOOOOOOOOOOOOOOOOOOOOOOOOOO

OUTRA CASA DO LUGAR DAS CARBALHAS.

OOOOOOOOOOOOOOOOOOOOOOOOOOOOOO

             SANTA LOCAIA

oooooooooooooooooooooooooooooo

OOOOOOOOOOOOOOOOOOOOOOOOOOOOOO

.

                 DON MANUEL DA CANLE

         Este home tiña todas as mañas do mundo. Era curandeiro, ferralleiro e escribano. Tiña soños moi profundos, cos santos, cos demonios, mais cos curas. Era moi enfermizo. Fixo de escolante en Mouriscados. Ofrecia moitas misas, unhas pagadas outras ouvidas. En canto ó artiluxio mais importante que fixo foi unha bicicleta toda de pau; os tubulares das rodas eran unha corda gorda. Na compaña do Lampanas decialle o dia da proba:¡¡frena Manuel!! e Manuel decialle: ¡¡freno co carallo!!  Para que vostedes vexan a valia deste home, presento no meu libro unhs fragmentos da sua biografia manuscrita polo seu puño e letra plasmada en 200 paxinas.

J. G. Sebastian
(Xose da Casquilla)

OOOOOOOOOOOOOOOOOOOOOOOOOOOOOO

      as memórias de manuel da canle

               Meus queridos e amados leitores:  Por tradiçón vou-vos contar o seguinte: -Nascim o once de Outubro de 1884, na hora once do día, no lugar da Portela, Parroquia de Guillade districto consistorial de Ponte.  Quedei sem nái por esta ir de ama de cría para Ponte. onde fun, enxendrado, ficando eu com unha avó que segundo decian eu a titulava de nái (Manuela Anta), que em paz descanse).  Faltando-me o amor materno, dabam-me leite de cabra, dos dous meses do meu nascimento até ós catorce meses em que regressou a minha nái de Ponte.  Tendo que voltar a partir dalí a alguns meses.  Me puxem afinhado, por falta do que a natureza permite ós recém nascidos, por meio do amor maternal, etc…  Desde que tinha sete anos levou-me unha tía minha para o monte a guardar um rebanho de ovelhas, levavam-me ó colo por veces, dando-me côdeas de pan afumado.  Naqueles tempos a minha querida nái conservava o milho ó fumo da cozinha, non tendo um cabaceiro de seu; andava descalço e com a roupa rota, etc.  Despois dalgum tempo, quedei xá de pastor até ós once anos, quando ingressei no coléxio particular de Guillade (do Professor Sr. Avelino).  Ós poucos meses fun de criado para Santiago de Oliveira (Sr. Andres), assistindo oito dias, acto seguido fun para a casa do Casal da dita Oliveira,  entrou comigo força de superstiçón e efeitos sobrenaturais que era impossível estar tranquilo;  non facia senon chorar, unha tristeza irressistível e fortes lamentos do corazón, e logo atacoume unha capa daquilo que um home busca e non quixera encontrar.  Em 1897 continuava na dita escola particular de Guillade, regressando voluntário á escola pública de Mouriscados dous dias, onde o professor non me quixo aceitar por non ir recomendado da minha nái, pelo que me tratava de má vontade e mala fé:  A minha nái foi falar com o Mestre de Uma e entón alí me apliquei com entusiasmo, assistindo dous meses;  eu pola intelixência concedida por Deus estudava na casa sem axuda de Mestre, pois quando fun a Uma xá levava a “tabla” sabida de cabeza e lia no manuscrito algo recto;  Como tinha fama, que aprendia muito e rápido, a minha sorte foi barrida pola feitiçaria ou pessoas de mala fé.  Entrei no Coléxio de Uma a catorce de Novembro de 1900, baixo a direcçón de D. Enrique Barbosa.  O doze de Septembro de 1901 fún falar á escola de Guillade do Sr. Avelino que nesta época se atopaba de Interino na escola pública assistindo de discípulo, como o Mestre andava moribundo, a pé, mandava-me tomar leçón, etc…  No caso que o seu corpo non puidera deixar o leito; pois a catorce de Novembro de 1901 hora das dez, faleceu o tan amado e digno Sr. Professor;  Depois houbo convulsóns e desconxunturas no pobo, uns com os outros acerca da escola, uns decian que continuase, outros que non podia ser, etc.  Continuei alguns meses, mas por fim deixei-a em seis de Xunho de 1902, porque o pobo me incomodava.  Em dezaseis de Septembro de 1902, corrin ao serán nocturno de Mouriscados onde eu apredin as primeiras noçóns de baile.  A consequência de um empenho voltei a rexentar a escola, logo vinheron trampas e atropelos; e negaron-me o último trimestre, e deixei-a por segunda vez no dezanove de Xulho de 1903, até hoxe.

manuel calviño souto

OOOOOOOOOOOOOOOOOOOOOOOOOOOOOO

               Lira   O dia vinte de Septembro de 1903 tinha-me chamado o Sr. José Rey Fernandes para decir o que eu visse por unha questón que traía unha pessoa de Lira, chamada Ana Maria, da qual saímos nós com victória, terminando o xuízo o cinco de Novembro do dito…  Fixen um viaxe a Ponte, dalí a Leirado, para consultar unha “Sybilla” (Vª,.).  Regresando por Vilacoba e sentín tocar as campanas de Guillade, mais adiante giaron-me até á igrexa de Vilacoba, cheguei ó rio diante do qual estivem titubeando trinta e cinco minutos para conseguir passa-lo.  Logo de passar o rio, e por-me a salvo em caminho conhecido, larguei dous pistoletazos.

manuel calviño souto

oooooooooooooooooooooooooooooo

.

               Sucesso em Pías. O once de Xulho de 1903 fun a Ponte, e encontrei-me com Fernandes, logo fomos a San Benito de Pías, chegamos alá ás dez, estando eu e o meu companheiro comendo e bebendo, pegou-me unha cousa aturdita pola cabeza e, unha afliçón correndo-me formigas por todo o corpo e, faltando-me a vista e como que iba arrebatado polos aires. Saín de xunto do meu compaheiro sem decir-lhe nada, e fun caír na porta da Igrexa, dando um golpe na sen, e xa non me levantei até que unhas pessoas caritativas me puxeron de pé.  Despois o meu companheiro puxo-me debaixo dunha vinha, onde quedei dormido até que me despertei.  Logo, malamente puidem vir polo meu próprio pé.  O día dezanove de Novembro de 1903, polas três da tarde, deu-me por todo o corpo um temblor e um frío abdominável com dor de ossos e de cabeza e, unha tosse espantosa, assaltando-me logo um catarro pulmonar, mas non podia tosser que mo impedia a dor de cabeza, parecia obra de maxía, pois pola omnipotência e graça do Senhor, se me aliviou polas doze do día seguinte.

oooooooooooooooooooooooooooooo

               Eu estava enxuíçado porque tinha que ir ó tribunal de sesións, por via do “Sorteo militar” que se verificava o dia vinticuatro de Xaneiro de 1904 e estava na mais pura desgrácia e pobreza infinita, e o dia 18 apurei a minha nái (Febreiro) que me afiança-se pra Buenos Aires ó que ela se negou, e ós poucos dias, eu puxem-me mais doente, com o mesmo catarro, etc…  O vintisete de Abril de 1904 caíu a minha nái doente, aumentando-lhe a enfermedade de forma perigosa e permaneceu enferma cinquenta e sete días, sem ter recursos ninguns.  Despois de passar oito días, trouleava, decindo cousas surpreendentes, quando eu estaba entretido, e quando eu escuitava, ela calaba, no meio da enfermedade quedou sem fala completamente por uns oito dias.  Eu non fixem sacrifícios ninguns, senon colher unha vela, logo ó redor dela lin-lhe unha oraçón misteriosa.  Levantou-se pola primeira vez o trinta de Março de 1904, quedando impossibilitada para o trabalho leve por alguns meses.  O dia vintisete de Março de 1904 assistín na Igrexa de Guillade com o meu primeiro ramo, cheguei ás doze á casa e encontrei a minha nái queixando-se com o mal que traía, despois eu fun para Matamá e fixem unha vinha, despois retornei prá casa e fun escribir unha carta á Carmela da Furuda,  sendo causa de eu perder o rosário aquel día.  O vintioito de Março de 1904, tinha ido por unha arada (cabar) até ás doze, acto seguido entrei na casa e como demorei vinte minutos, começou a minha nái, a que fosse botar a toura, e a botar pragas que era um barbarismo, pois pra facela calar foi preciso bater-lhe, parecia que estava endemoniáda, quedei tan inxuriado que quixem ir ó Serviço Militar voluntáriamente…

manuel calviño souto

oooooooooooooooooooooooooooooo

      O MARCO DO COBERTO DO MOTRETA

              Este marco, antes estava situado mais arriba no meio dunha veiga de Manuel da Canle, sendo posteriormente trasladado aquí, e parece ser que respeitaron a direcçón do marco anterior.

oooooooooooooooooooooooooooooo

               Aproximandose o três de Abril Páscua de Ressurreiçón, polas três da tarde, chegou o nosso amantíssimo Jesus em máns de “supercheros”, dando as misteriosas visitas, estava a minha nái convalescente e tinha unha peseta, e eu tinha outra, mas como nos facia falta, e também non chegaba non lhe puxo dinheiro á Crúz, eu sain para detrás da casa e non biquei a Crúz, mas puxem-me a escuitar a conversa, como non viron dinheiro saíron furiosos pola porta fora, entón foron ó Cotinho, e ó vir de volta com rosto carrancudo.  “Bem, sabes unha cousa; pois há que confessar-se e administrar-se, entendes, quanto mais antes-; Arre Corno! Dixo o Cura, Vilar, pagou trinta mil”.  Questóns embrigueiras.  O vintiseis de Abril de 1904, eu ainda andava descalzo, tinha uns zapatos velhos e dixo-me o zapateiro  Xavéco que mos gobernava e que aguardaria polo dinheiro, tan pronto gobernados, fixo-me pagalos no acto.  pedindo-me unha galinha a por ovos.  Eu roguei a Deus e ó demónio.  Pola alta noite, vem unha cousa p’orriba da casa dando pios como a rapinha e ó mesmo tempo imitando unha voz chorosa, aguda e rápida, e ás duas da noite continuava.  O dia doze de Maio de 1904 (Ascensón) levantei-me sem novidade, mas pensando na minha sorte;  a camisa que vestia era unha arruga; fretin duas sardinhas e depois de almorzar fun na direcçón de Fontan, encontrando vários pequenos e pequenas no caminho com os quais me divertin um pouco.   Profecia Realizada.  Nunha noite sonhei que andava dançando com unha rapariga chamada Maria Rosa do Irra, mais tarde fun a unha festa em Guillade; chamei unha a dançar e non quixo vir, chamei outra sem saber quem era, só despois vim que era a que fora sonhada,  noutras tivem mais sonhos que quedaron esquecidos;  sentia unha desconsolaçón imensa, unha pena interna; a minha nái queixava-se que lhe tinham inchado os pés, e tivem medo que morrera, ós poucos dias puxo-se pior, levantou-se polas dez da manhan e todo o dia estivo ó arredor do lume, acto seguido, voltan os seus lábios a dedicar-se ás pragas.

manuel calviño souto

oooooooooooooooooooooooooooooo

A CASA DO MOTRETA, FOI UNHA POUSADA ANTIGA NO CAMINHO REAL QUE VINHA DE BAIONA.

oooooooooooooooooooooooooooooo

                Blasfémia.  O dia vinte de Maio de 1904 a minha nái foi á Cañiza, ainda que non andava bem, o vintidous eu fun ós ninhos e á tarde fun á festa a Cumiar, de noite a minha nái berregou comigo porque non fun botar a toura, polo que me fun deitar sem ceia, e por vinte minutos estivem chorando amargamente, tendo ó mesmo tempo pensamentos mortuários, nobres e amorosos.  Nesse dia a minha nái tinha unha veiga sem cabar, e como andava disgustado non quixem fazer a comida e dixem blasfémias contra Dios oito vezes, e outras tantas contra o demónio, etc…  O dous de Março 1904 fun a Trancoso pedir trabalho e dixerom-me que era cedo, o segundo dia fun ós montes de Cumiar e encontrei várias raparigas que me enrredaron até ás dez e meia.  Sonho –  O primeiro de Xunho de 1904, sonhei com um Abade que estava no meio d’unha Igrexa de maneira entreposta; o cinco de Xunho atopava-me com unha desconsolaçón, sentia no corazón unha pesadume unha tristeza e afliçón enorme que me parecia que as entranhas se me derretian como que destilaban agua fervendo que non podia parar; neste dia fun á festa do Corpus a Oliveira, ningunha rapariga quixo bailar comigo, excepto unha de Celeiros que vem de mala gana e ainda pra mais era velha.  Recordo de Peinador.  O sete de Xunho pola manhan fun a Trancoso pedir trabalho, e mandaron-me desfazer caixas para aproveitar as tábuas que serviram, non tendo quedado contente com este trabalho e despois de acabar o monton de caixas, passei (…) como non encontraba pousada vinha dormir a casa muitas vezes, ó chegar á casa encontraba água no pote, cinza nas cuncas, barro no forno e a artesa livre; mas nestes tempos como habia um cabrito e tinha cabras habia no louceiro unha cunca que parecia ter 40 dl e um xarro velho com leite e unha colher velha;  saia d’alá ás oito da noite, e chegaba ás once; tinha que sair ás três para estar ás cinco da manhán, mas tomei pousada permanecendo nela vinte dias, despois vinha á casa, mas faltava dias.  No dia doze de Xunho  vinhem á casa, estava unha escuridade horrenda, eu vinha moribundo cheio de fame.  Despedida de Peinador.  O sete de Septembro de 1904 saín de Peinador por minha vontade, tinha dormido várias vezes sobre a caldeira de Peinador, e unha vez dormin no meio daqueles vales e milhos.  O dezoito (…) fun cobrar o resto e se queria admitiam-me, cheguei a casa, a minha nái tinha feito um cabazo de sidra, comim unhas sopas e ó momento assaltou-me unha dor de cabeza, catarro, voz ronquenha e fun-me deitar.  Ah…  Ah…  como que queria imitar palabras mas non era capaz de falar, dunha maneira que dava medo, e era el demónio que falava por ela, fun xunto dela com unha luz acesa e logo começou a falar, e non vim nada, logo que apaguei a luz, deixou-se sentir unha cousa á que eu puxem interxeiçón – Cháááááá!  chá?, chá, chá,  repetida tantas vezes como as tenha a dita interxeiçón, isto cantaba xunto de nós, outras vezes cantaba mesmo ó ouvido, tendo o ouvido deitado sobre a almofada, fora da casa deixou-se sentir por duas ou três vezes unha voz assombrosa algo grossa como a voz dum papagaio pronunciando algunhas frases, mas só pola metade da palabra así   Que hac, en dé, que hacs. –  eu restreguei-me com um alho, logo o dito Spírito vem xunto de mim; eu queria-me levantar e o Spírito non me deixava que me tronzava a forza, eu enseguida enchendo-me de alento, e fazendo um esforzo, e largando um suspiro xunto com um hag!, dixem – ¡Xesus!  e o Spírito deixou-me mas de forma que non puidem ir trabalhar no dia seguinte; ás três da manhan peguei nun sono profundo, dormindo até ás dez, despertei non Católico, senon desfigurado, assustado, fraco de forças, sem ganas de falar, etc…  e así esquecin Peinador, etc…

manuel calviño souto

oooooooooooooooooooooooooooooo

CASA DOS FuRUDOS NA VIGAIRA.

oooooooooooooooooooooooooooooo

               O día 16 de Xulho fun a Trancoso cobrar a primeira quincena do dito mes,  total o que ganhei, um traxe barato, unhas botinas, unha camisa, e trinta reais em dinheiro, um relóxio barato e nada mais.  O vinte de Septembro de 1904 fun pisar unha tinalha de uvas para a Senhora Benita da Sorda.  Luz desconocida.  Primeiras relacions com Avelino.  O  primeiro de Outubro de 1904 tinha-lhe inchado um olho á minha nái, mas eu fun ó serán nocturno, o dia dous estivem eu doente da cabeza, dos membros, e principalmente da barriga, e tinha um pesar comigo, unha tristeza enorme, e non sabia por que; nestes dias, via sempre debaixo da minha xanela unha lucinha no chan, como a dum bicho que lhe relumbra o cú, chamado “Luce-cú”, mas era mais grande e mais viva, facendo nascer sentimentos pois um pouco punha-se grande, pequena, alta, baixa, etc…   e quando unha pessoa se fixava, extinxia-se de todo.  O seis de Outubro fun escribir unha carta à Rosa do Roque, e vim o fermoso día de Outono todo claro, os raios do Sol abrasavan os membros do corpo humano.  Polas doze e meia deitei-me, e levantei-me muito pesado, e xunto da porta, deu-me unha dor de cabeza, o dia catorze fun a Ponte, e ó vir, vinhem com Avelino Carraceda e a sua nái (pepa) tomamos pan, peixe, vinho, etc…  e despois eu e Avelino fomos xuntos a um pote de aguardente, até que me emborrachei, ó passar o Pinheiral de Oliveira, vem unha cousa detrás de mim dando píos como um paxáro chamado “escribidor” ou “linhaceira”, etc…  seguiu-me até perto das casas, acompanhava-me a tristeza, penas, angustias, etc…  mas non sabia porque motivo, por uns poucos días, sonhei mil cousas, unhas malas e outras menos malas.

manuel calviño souto

oooooooooooooooooooooooooooooo

               Os de Uma.  Agresón.   Unha triste noite do mes de Outubro de 1904 em que a Providencia divina nos daba sentimentos, a noite escura, o vento soprava assombrossamente por vezes, eu polo día tinha ido á festa a San Lourenzo, na que rifavan unha toura, e houvo unha zaragata com Avelino, xá nombrado, e por culpa del tamém me metin eu, tinha vários a meu favor.  Despois fun a Guillade d’arriba ó seran, onde estaban os de Uma, dixeron que os acompanhase-mos ao serán d’abaixo, e de repente os de Uma a pelear…  esta mesma noite ó dormir implicou comigo o Spírito inmundo, eu sentia-me com as penas arriba ditas, e ademais levantei-me sentido unha dor no brazo dereito, mas o que me causou mais afliçón foi tirar polos pelos do brazo e arrincá-los pola raiz sem sentir nada, e um sonho aterrador.  Adivinha, primeira vez. No mesmo día vintinove saín a um viaxe polas nove e vinticinco, com a intençón de consultar…  Fún polo Pedroso até Fontán seguindo a Queimadelos, todo o dia botei arredor da casa, até que ela me viu casualmente, eran as quatro da tarde quando me dixo o seguinte:  Sai um cargo de almas que há que cumprir e parece que é um home que che aparece em sonhos,  teis o corazón aberto, fai-che falta uns evanxélios e tomar medicinas feitas na casa ou manda-las facer, um primeiro día pola cabeza, etc…  “son estas as palabras mais importantes que me dixo; no outro día xá estaba melhor.  O dous de Novembro de 1904 atopaba-me inchado, despois de me levantar encontrei-me com um cansaço, floxo de forzas, nervos, e todo estéril, polas duas da tarde, comim algo, assaltando-me logo unha diarreia e um sono espantoso;  O día sete de Novembro de 1904 pola manhan levantei-me da cama com unha pequena dor nas costelas, polas once e vintitrês do dia tinha-me passado, tiven mil sonhos malos, o oito assaltou-me unha grande dor de dentes, acto seguido atacou-me a cabeza, e fun-me deitar, alá pola alta noite vem o Spírito malo inquietar-me, ainda que non foi tanto como outras vezes, mas toda a noite estiven sonhando cousas malas, sonhos malos, de todos eles só me acorda o seguinte:  estava sonhando que a minha nái estava dentro do eido (xunto dos loureiros) chorando com unha tremenda dor de cabeza, sentada encima do mato, movendo-se e balanceando-se, e falava cousas que non me acordan, despertei e era muito cedo, voltei a dormir, e levantei-me polas oito da manhan, logo a minha nái dixo que non se podia levantar, mas por fim levantou-se polas 11,30 e alá foi cabar para o sítio onde eu sonhara com ela.

manuel calviño souto

oooooooooooooooooooooooooooooo

CAMINHO QUE LEVA Ó CASTRO MAO.

oooooooooooooooooooooooooooooo

                Serán de Lira.  O día 13 de Novembro de 1904 fún a Oliveira a unha festa de pandeiros que facia a família do Sr. Pintos (que neste tempo era Cura de Oliveira) eu e Avelino passamos um rato alegre, despois fomos ó Madrileno pedir para cortar pinheiros, onde o Spírito malo me veio inquietar, no día a seguir fomos roubar mazáns e despois alá nos fomos ó Serán de Lira; o 23 polas nove fomos tronzar pinheiros e logo fomos ó devandito Serán; o 24 fomos ó Serán de Celeiros, ó vir pola casa arriba da Capela, vin sair dum pinheiro tantos corvos que parecia que todo o pinheiro se desfacia em corvos, croando e desaparecendo a unha distância de 3 ou 4 metros, o ruido que facian era idéntico.  Música Academia.  O 25 DE Novembro de 1904 comecei a estudar música em Celeiros; o día 3 de Decembro,  fixem inxuriar a minha tía, e despois em companhia de Carracedo fún ó Serán de Celeiros, a minha tía tinha-me botado pragas, chegando ó Serán, um filho da puta de Arcos revolucionou-se conmigo, despois levantando-se todos em revoluçión, eu escapei sem novidade.  Chegando á casa xá estaban as raparigas tocando a pandeireta, serian as dez ou once da noite.  Mama em Vigo.  O día quatro de Decembro de 1094 polas seis e trinta e cinco da manhán levantou-se a minha nái e a minha tía (Maria) e se foron assanhadas a Vigo.  O día 8 choveu assombrossamente, nessa noite passei-a toda na cozinha, até ás 3,40 quando quedei dormido sobre um banco, e entón vem o Spírito malo inquietarme, o oito fún á Procesión a Cumiar com unha roupa velha; e o dez recibim do Senhor Carraceda vinte reais polos pinheiros cortados e alá vem o Spírito malo inquietarme.  As duas festas. Dor de cabeza.  O día oito de Xaneiro de 1905 habia festa em Oliveira, Capela, pola ter gobernado, em Guillade de arriba gaiteiro, em Guillade de baixo música. Nesse polas 2,50 assaltou-me unha grande dor de muelas, e non fún a ningunha festa, e toda a noite desse día estiben na cama dando voltas, com áis e suspiros, de maneira que o dia seguinte atacába-me o sono, o día nove fún ó Cirurjáno (rula) para arrancar a dita moela, pois á maneira que me íba aproximando á casa, a dor iba passando, ó bater a primeira pancada no portal, desapareceu a dor por completo, parecia cousa diabólica; pois ó arrancá-la, partiu polo meio e quedou a metade dentro da boca e a úlcera tamém.

manuel calviño souto

oooooooooooooooooooooooooooooo

NUCLEO CENTRAL DO POVOADO.

oooooooooooooooooooooooooooooo

               Eu Salvaxe em Vigo.  O dia 27 de Março de 1905, saín de Guillade ás duas da tarde (estaba a Teixucha a berregar com a minha nái) dormin em Ponte e pola manhán fún dereito a Porrinho, cheguei ás duas da tarde a Vigo, ás 5.15 da tarde, partin para Cangas, o outro dia pola manhán regressei para Vigo, e no outro partín de Vigo para Guillade, gastei 40 reais.  Pelexa. Os de Cumiar.  O dia 30 de Abril de 1905 ó vir da festa das Angustias, eran as dez da noite, e os de Cumiar, pois as raparigas no serán, tinham-lhe posto alcunhas a todos, e por isto implicaron comigo, botando-me as culpas a mim.  O 12 de Maio de 1905 eu fún ás vispras de Vila Coba na companhia do Inocêncio do Fadista, e ó vir de volta destruimos a ponte de madeira, cheguei á casa ás duas da noite, e encontrei Avelino Carraceda a dormir no meu quinteiro, e assustei-me quando vin um home tirado alí no chan, e por pouco non lhe dei com um pau na cabeça, dormiu comigo e pola manhán levou-me enganado a Trancoso e dalí a Ponte, por via d’unha máquina de solfatar que tinha alí a gobernar.  Desde Ponte fún a Vilacoba com dous rapazes de San Lourenzo, ó chegar á festa vin que tinha os pantalóns descosidos no cú, porque estaban muito apertados (traxe branco) feito pola mulher de José Rey Fernandes (lavativa), eu cheguei á festa e marchei acto seguido…

manuel calviño souto

oooooooooooooooooooooooooooooo

UNHA SENHORA DA FAMILIA DO LAMPANAS.

oooooooooooooooooooooooooooooo

               Recordaçón de Ponte. Carpinteiro.  O dia nove de Agosto de 1905 (quarta feira) principiei a trabalhar de carpinteiro em Ponte co meu mestre D. Ricardo, meu padrinho, que me tinha sacado algunha ferramenta a fiado na Casa de Romero, sendo as primeiras nocións de carpintaría, ganhando 5,10 reais. O día vinte e vintium de Agosto de 1905, neste dia celebrou-se a festa de San Roque no bairro da Ponte (Ponte) eu assistín a ela e os meus companheiros, tendo um convite ad conxugalema.  Spírito malo, por los días 18, 20, 23, 26 de Agosto de 1905, vem-me inquietar.  O dia 27 andei no trabalho doente, parecia que todo o corpo me estremecia, e até os mesmos ossos, ó deitar-me aliviou-se-me algo, de noite vem o Spírito inmundo inquietarme, nos momentos que me deixaba chamei duas veces em alta voz, mama, mama!  E ó momento me recordou que estava solinho e em terra extranha, e logo caín no sono, acabei perdendo um quarto de día, e para mais, tivo que chamar a pousadeira por mim.  Pelexa.  Acometeu-a comigo um companheiro meu e chegamos a andar a zocos até que o mestre começou a berregar.  Á noite de incomodado rasguei um libro de Cirurxía e demais obxectos.  Ó outro día, ó vir pola casa encontrei minha nái com unha bróa, unhas poucas peras, e unha camisa que vestín no meio daqueles montes.  Houvo um grande eclípse de Sol, e trabalhei meio día.  O día 24 de Agosto de 1905, polas doze da noite, fún molestado polo Spírito malo.

manuel calviño souto

oooooooooooooooooooooooooooooo

CAMINHO QUE VAI Ó CONVENTO.

oooooooooooooooooooooooooooooo

      Cousas invisíveis.  Conmunitaten.  A minha nái foi à Cañiza, e toda a manhán a passei na cozinha, ás cinco da manhán assomei-me à xanela, para ver as fermosas estrelas correndo de unha parte para a outra; e vexo enseguida unha luz na Ferreira, como parecendo ser xente com unha fachuqueira, até sentín ruído, como a queimar cascas de pinheiro, despois como a cortar milho, etc…  A luz sempre no mesmo sítio, despois de quinze minutos começan a separar-se unhas lucinhas muito pequenas da grande; unhas brancas, outras azuis, cardenas, roxas; unhas dirixiam-se ó norte outras ó poênte, oeste, leste, outras ó céu e outras parecia que se metian nas profundidades da terra, separabam-se vagarosamente e à distancia de três a quatro quartas da luz grande desaparecian, até que desapareceu tudo.  Consulta.  O día 25 de Agosto de 1905 fún a queimadelos (Adivinha), o 15 de Septembro de 1905, restregei-me com um alho ó deitarme, toda a noite andiven em convulsóns e sonhos malos, pois tivera que me levantar polas 10,20.  O 18 de Septembro de 1905 ó deitarme restregara-me com um alho e o Spírito inmundo inquietando-me com sonhos malos, mas non me molestou muito a consequência do alho, mas faciame vários inconvenientes, tais eran, quedar dormido até ás dez ou doze, levantar-me espantado, sem forças, impedido da minha sorte, etc…  Mala Sorte.  O dia 24 de Septembro, regressei a Guillade, escribín unha carta e pissei unha tinálha de uvas – P, comim figos e bebim vinho, e estaba inchado, mas non me fixeron mal, só que pola noite, vem o Spírito inquietarme, e logo, puxo-se sobre o telhado na figura de um cachorro que partiu unha telha, minha nái levantou-se e começou a rifar com el, pola manhán ainda que tarde partín para Ponte.

manuel calviño souto

oooooooooooooooooooooooooooooo

               Ponte despedida molestado.  O 27 de Septembro de 1905, estando eu em Ponte vem o Spírito inquietarme, e pola manhán quedei dormido,  tendo a pousadeira que despertar-me xa passavam dez minutos da hora, de maneira que o Mestre berregou comigo e tomando-me de mala fé, achacava que non tinha ferramenta, etc…  No día 29 de Septembro de 1905 quedaba destituido, entón vinhem prá casa, e o dia 3 de Outubro de 1905 (terça feira) estando eu assomado á xanela, puxem-me a pensar fixando os meus pensamentos, notei que estava atolondrado da cabeza, dor, catarro pulmonar e latidos no peito, nervios;  a minha ideia era ir buscar trabalho a Salvaterra, Vigo, etc… (ou así um sítio lonxano).  O 4 de Outubro de 1905 pensava ir para Portugal, e acto seguido fún a Matamá xunto da minha nái, decir-lhe que iva a Ponte, e nesse mesmo instante começou a vomitar e a decir que morria, e o viaxe quedou em nada, despois assaltou-me a mim cólicos de barriga, e ningunha vontade de comer, com dor de cabeza, etc…

manuel calviño souto

oooooooooooooooooooooooooooooo

                                INOCENCIO DA MARICAS

Este mozo foi nado no lugar da Vigaira alá polo ano trinta e cinco, quedando sin a sua nai en curta idade, neste caso tuvo que arrimarse a quem lle fose mais axeitado pra sobreviver, daquela foi a familia dos “Furudos” que se fixeron cargo da sua tutela, foi sempre fiel aos seus amos e moi obediente, presumia de unha ética moi afanada ao seu comportamento.
O traballo facia o que podia era lento pero seguro. A  sua especialidade era de maquieiro no muiño do Roupeiro no decorrer de muitos anos.
Cando fallaron os muiños e ao mesmo tempo acadou a maioria de idade amañaronlle unha casiña para vivir a sua vontade; entón era un mozo mais das festas, tiña unha morea de mozas, pero nunca acadaba a que fose axeitada para ser a  sua dona. Era o punto idóneo para as argalladas  dos seus compañeiros pola sua presuncion de home de talento e ao mesmo tempo a sua inxenuidade, facia que a mais sinxela paródia lle fixera alterar os nervos.
Ala polo ano noventa e dous Inocencio foi víctima por parte dun veciño que practicaba o consumo das bebidas, de un acoso á sua intimidade cousa que foi denunciada por parte de Inocencio, o fallo foi a favor da víctima resultando o desterro do presunto agresor durante varios anos para outro lugar.

J. G. Sebastián
(Xosé da Casquilla)

oooooooooooooooooooooooooooooo

PORTAL PRINCIPAL DE ENTRADA Ó CONVENTO DE SANTA LEOCADIA DE GUILLADE.

oooooooooooooooooooooooooooooo

               Calamidades. Sufráxio.  O día 16 de Decembro de 1905,  assistiron todas as pessoas devotas á Santa Misa que se celebrou em sufráxio do meu tío (que em paz descanse), a minha nái assistíu, chegando de Matamá onde eu andava com a toura, e despois foi a Oliveira, chegando polas 6 da tarde chorando de tal maneira que tivem que ir por ela, perguntei-lhe que passava, e dixo que a sua irmán se tinha metido nela, despois de passados 15 minutos deixou de chorar, xa só se queixava da cabeza, eu tamém todo o día tinha andado aturdido da cabeza como se me quixera dar um síncope e queixas do corazón, etc…   Ofertórium.  O día 14 de Decembro de 1905 Domingo, a minha nái foi ó  ofertório do meu tío (q. e. p. d.), eu tinha quedado na casa, acto continuado chegou Avelino Carraceda, xogamos um partido e despois marchamos.  O día 18 de Decembro de 1905, sentín unha forte dor no xoelho da perna esquerda por via dum carbunclo, que reventou derramando aproximadamente meio quartilho de sangre, eu xamáis tinha visto carbunclo semelhante.  A minha nái e o adivinho.  O día 20 de Decembro a minha nái foi a Ponte pagar o consumo e de passo foi xunto ó adivinho.  De noite, vem o Spírito inquietarme, o meu corpo xa estava muito tomado pola bruxaría, que muitas vezes quando despertava moviase-me o corpo, quedando a cabeza quieta sem sentido e sem movimento, e non conseguia senon a forza de sacudir o corpo; nestes días passei muita fame.  Paporrubio.  O día 23 de Decembro de 1905 a minha nái fora a Ponte, e eu fún a dentro do eido cortar unhas polas de maceira e colhim unha postura mala ó respirar, e pareceu-me que se me introducíu aire num bacío, resultando unha grande dor por alguns días no referido sítio, e quando tossía a dor era insufríveĺ. Nesse día tivem unha surpresa porque, facía mais de trinta días, que todos os días entrava um paporrubio pola ventana até ó meio da casa e várias vezes saía pola porta; hoxe neste dia, o estou vendo sobre a porta e despois poussar no chan da casa.

manuel calviño souto

oooooooooooooooooooooooooooooo

PORTA LATERAL DE ENTRADA Á “DOMUS SANTA LEOCÁDIA DE GUILLADE”.

oooooooooooooooooooooooooooooo

              Luz das luces.  O dia 24 de Decembro de 1905 polas sete da tarde, presentou-se-me unha pessoa para que lhe fixera unha carta, acabei-a de escribir, e ainda non tinha saído a luz das luces, rosa resplandecente que alegra os viventes deste Universo mundo, saca-nos das trevas, consola os aflixidos, quenta os fríos.  Despois, tocaron as campanas anunciando a Santa Misa do dia 24 de Decembro, mas para mim tán despavorido e tán tríste que nin a noite mais horrorosa e escura. Confusion de temor; pois segundo o Horoscopo ou signo, dí que son da natureza de Xúpiter, e sendo Xúpiter um Deus muito bom para todo vivente e cousas inanimadas, inflúie nos da sua natureza, homes, relixiosos, etc…  Non sei o motivo, mas o meu corpo moveu-se a practicar actos de impureza.  Um atentado revolver.  O día 26 de Decembro de 1905 vem Carracedo xunto de mim, e levou-me por Celeiros para cobrar algum dinheiro  que tinhamos ganhado a cortar pinheiros.  Vinhemos por Oliveira e enrredá-mos, eran as seis da tarde, quando saímos eu e el da casa de Ramón; e vinhem só para Guillade, mas ó chegar é sítio que chamam As Bandeiras, sentín um individuo atrás de mim facendo tropel, eu com força de fuxir, introduzim-me nunhas poucas silvas onde el passou de largo, e non me viu, começou entón a disparar tiros, quase diante donde eu estava, eu recuei para trás, dei a volta pola Capela e deparo com o suxeito, mas el non me via, eu escondido, roguei à virxem e a Deus, e a Santo António que me axudasen a librar disto.  Sonho malo.  O día seis de Xaneiro de 1906, estivem na casa por non ter roupa, o oito de Xaneiro de 1906 tinha tido um sonho malo, e levantei-me polas nove.  O día 11 de Xaneiro de 1906 levantei-me pola manhán, e á tarde fún a Matamá, ó vir de volta partiu-se-me unha tamanca polo meio.  Á noite presentou-se-me Miguel das Carbalhas, que fosse com el ó Serán, pois tanto como porfiou, mas foi para mim impossíbel por via de non ter calzado; xelase-me o sangue nas veias se vou contar os acontecimentos fatais que para mim corren a cada passo.

manuel calviño souto

oooooooooooooooooooooooooooooo

NESTE LUGAR SURXIU O PRIMEIRO DOCUMENTO EM FALA GALEGA DE QUE HÁ MEMORIA.

oooooooooooooooooooooooooooooo

Mala Sorte as Tamancas.  O día 15 de Xaneiro de 1906 (Segunda feira) um día todo nevoado e frío, tivem sonhos malos, que esquecin.  Despois a minha nái fora ó monte vender uns pinheiros e eu puxem-me a descravar unhas tamancas e embrochá-las noutros paus novos.  Despois chegou um suxeito e tanto fixo que me levou á festa, tendo que ir com as referidas tamancas.  O día 18 de  de Xaneiro de 1906 fixen unha cadeira. O 20 principiou a doer-me a cabeza, os dentes, a barriga e os sonhos malos seguem anunciando, pérdidas, desgraças, etc…  O muinho, pragas.  O día 26 de Xaneiro de 1906, a minha nái fora ó muinho e chegou decindo que a minha madrinha estava falando que eu batia nela; seguido começa a votar pragas por vía do aro de um caldeiro, que levara eu unhas semanas antes, e para que calara, foi preciso ir xunto dela e meter-lhe medo, calou, mas na cara parecia unha calavera.  O día 14 de Agosto de 1906, todo o día estivem deitado na cama, e estava tan pessado que non podia mover-me, polas 12,30 da noite fún molestado polo Spírito infernal, sucedeu da maneira seguinte: estando eu deitado na cama com a barriga para o céu, e chegando o Spírito, deitou-se sobre mim, tanto me zambulhiu nas partes ocultas, votando-me man ó que é escusado decir, facendo-me correr o leite dos amores, despois descansei em Paz até de manhán.  Mas levantei-me pesado e apaixonado (por mulheres) que non podia deter o vício.  Sería pola astúcia do demónio, que pola noite do día 12, tinha dor de cabeza, o 21 de Agosto de 1906 ás dez.

manuel calviño souto

oooooooooooooooooooooooooooooo

HABITÁCULOS DO INTERIOR.

oooooooooooooooooooooooooooooo

               Galinhas de Deus Negras.  O día 23 de Agosto de 1906, levarom-me para cortar pinheiros, cheguei á Vigaira e unha galinha de Deus preta deu-me um forte repotazo no peito e continuou unhas quantas veces, eu andava malo, o dia 29 de Agosto de 1906, ás 8,40 da manhán traía um costipado mortal, tán pronto acabamos de cortar os pinheiros, cesou o costipado como por encanto, estivem todo o día pensando na minha mala sorte e na vida desconsolada.  O dia 12 de Septembro de 1906 tivem que berregar com o Fernandez por culpa dos pinheiros, e parece que se negava a pagar, tinha-me chamado por mandado do (Pucho).  Mais Calamidades, a trencha.  O día 15 de Septembro de 1906 troquéi unha trencha polas pezas de unhas tamancas, o día 20 quedei de ir trabalhar para Celeiros, e por ser molestado polo Spírito inmundo, non fún.  O día 21 deu-lhe mal à minha nái, e non tinha farinha nem nada que comer e passei fáme…  O día 23 vem o Spírito inquietar-me, vía em sonhos pessoas conhecidas vestidas de preto, estivem todo o día deitado doente, muito aflixido, com dor de cabeza.  Molestado. Esconxuraçón. O día 25 de Septembro de 1906, lín unha oración (que titulan de San Cipriano) e continuei com ela por alguns días pola noite, entón o Spírito tratou de me molestar de día, ó tomar a sexta polas 12;  unha vez que iba lendo polo meio da esconxuraçón, quedei surdo, e como que me levava a cabeza polo aire e o corpo tremendo, o Spírito porfiou polos días 26,27,30, despois unha vez lida a oraçón polas 4,20 da manhán, quedei dormido mais um tempo, tivem o sonho seguinte:  sonhei que estava nunha Igrexa virado pro altar, habia pouca xente, entón presentou-se um Abade no altar, facendo reverências coas mans na minha direcçón; despois saíu outro da sacristia e foi xunto del, vinha de comer toucinho ou cousa semelhante, pelo que saíu limpando as babas engraxadas, se explicara todas as voltas deste sonho, haberia leitura para muito, acto seguido desperto, quedando pensativo desta visón arriba dita.  Fantasma.  O día 13 de Outubro de 1906, fún molestado polo Spírito…   mas de unha maneira que se tivo em mim, se non estava xá; e vin ó meu redor um home muito baixinho (um metro de altura), xá quase era día.

manuel calviño souto

oooooooooooooooooooooooooooooo

SALAS CONTIGUAS, DUM CORREDOR CENTRAL.

oooooooooooooooooooooooooooooo

               Segundo Recordo de Mondariz.  O día 12 de Septembro de 1906, fún de criado para a casa de Avelino de Trancoso, e o día 18 de Março voltei prá minha casa.  O día 26 de Septembro de 1906 fún trabalhar para xunto de um Mestre Carpinteiro (Manuel de Canedo)  Nestes días tivem mil sonhos malos, trabalhei com o dito Canedo oito días, e ó fim deu-me unha forte puntada no quadríl dereito, tan pronto cheguei á casa, a referida dor, deu um forte estálo, mudando-se rapidamente para o outro lado, e aliviou algo.  A minha nái, dixo que a noite anterior tivera um sonho comigo e unha voz que lhe decia: “Ah, o teu filho saca unha alma de penas. Ah, mas agora partíu um brazo”.  Eu tinha tido também um sonho que fora unha grande multitude de xente ó Axuntamento de Ponte, entre a qual estava eu; e fún o primeiro que dixo:  Viva a República!  e todos me axudaron. Despois reventou unha grande luta na praça de Ponte.  Serrar em Mourigade.  O día três de Febreiro de 1907 fún á festa de San Brás (Meirol), logo vinhem com os rapazes de Mouriscados para o Serán de Guillade.  O día quatro de Xunho fún trabalhar de serrador para xunto do filho de Xambenito de Uma, que estava desposado em Mourigade.  Sorpressa.  Segunda feira ó irme deitar, dalí a dez minutos deron-me uns fortes empurrons na cama, ós poucos momentos caíu o xergón no chán, eu tinha guardados vinte centávos metidos nunha ucha pequena, despois figurouse-me que tinham atirado com ela e mesmo sentín tanhir os centávos, como quem os zapatea contra unha pedra, e acto seguido ouvin rir unha pessoa, maxía (Sr. cura Val).  Eu me levantei a ver, cuidando ser certo, mas tudo estava como o tinha deixado; logo despois tivem que ir ó Breviário romano ler o exorcismo até ó fím, despois toda a noite descansei em paz.  O segundo día fún ó trabalho, e como estava frío, retiramo-nos prá casa, fomos guiar unhas vinhas, etc…  Eu tinha visto alí unhas nenas xá grandes e logo sentín no corazón, unha pena desconhecida, que facía dirixir o meu amor e o meu peito para elas, só que a minha persona non circulava com tán alta senhoría.

manuel calviño souto

oooooooooooooooooooooooooooooo

RESTOS DE COLUMNAS E CANTEIRIA.

oooooooooooooooooooooooooooooo

               Minha nái, no Serán nocturno.  O día nove de Febreiro de 1907 fún ó serán de Uma, estava um escuro tremendo, e caían alguns chuvascos.  O día once a minha mái fora ó Serán da Lomba, eu quedei na cama, polas quatro da manhán fartei-me de vomitar, com malos sonhos, era o penúltimo día de Serán.  O 27, todo o día andivem a decotar pinheiros para o Sr. Miguel das Carbalhas (q.e.p.d.), em Matamá.  O Três de Marzo de 1907 (Domingo) pola manhán despertei com unha tremenda dor de barriga, saltei fora da cama queixando-me, tomei um copo de água fría, e com a dita dor fún a Guillade de baixo, e polas 8,10 passou-me.  Consulta adivinha. O 23 de Março de 1907 fún a Ponte xunto á Sybila (C.)  e dixo-me tudo mal.  O 24 fún á misa a Guillade com o Ramo, e polo sacristán decir que me puxe-se fora da igrexa, dei-lhe um forte empurrazo á porta que bateu com forza contra o apoio.  O 27 de Março fún molestado polo Spírito malo, levantei-me polas 10, a minha nái andava a cavar em Matamá, e todo o dia estiven na casa, daban as 3 da tarde e as ovelhas ainda estavan em xexúm.  O 29 acometeu-me um sonho muito malo polas 12 da noite, e polas duas da tarde do día 30…   A festa e o sonho.  O día 7 de Abril de 1907 fún á festa das Angustias e o segundo día tamém.  O 17 mudou a minha sorte, tivem um sonho malo, sonhei que estava dentro de unha Igrexa eu e um Crego a facer-me unhas senhas, pantominadas.  Pola manhán vem a minha madrinha para Matamá que a tinha arrendado aquel ano pola minha nái estar algo enferma, eu levantei-me de mala gana e fún com as ovelhas, mas non estava Católico. O día 20 a minha nái, foi á Cañiza doente, e pola tarde deste mesmo día 20, pelexei com o meu vecinho (Xabeco) debaixo da minha xanela.  Pensaba ir o día 3 de Maio á Picaraña e non fún, pois perdin a Misa por me ter molestado o Spírito inmundo.

manuel calviño souto

oooooooooooooooooooooooooooooo

                O día 23 de Abril de 1907 comecei a serrar com um suxeito (M. da Val). O día 5, 8, de Maio fún molestado polo Spírito.  O día 9 fún á festa a Mouriscados, as minhas carnes saltaban, facendo um prunido entre a carne e a pel dando saltos, nestes días o Spírito, tanto me mollestou que quase me facía vomitar.  Houbera ido trabalhar para celeiros de carpinteiro, facer um louceiro, mas o Spírito inmundo tanto me molestou que me puxo tonto e xá non dei guía com o louceiro.  O 13 de Maio fún buscar a ferramenta e polo caminho a escaralhei, excepto a machada e o serrón.  O 20 de Maio fún á Franqueira…  O 21 ás 12,30 despois de transcurrida unha hora, levantou-se-me unha dor de cabeza, sendo molestado polo Spírito até que é alba do día, a dor de cabeza aumentou pola manhán. Levantei-me com a devandita dor e atáques, como que queria vomitar.  O día 24 de Maio edifiquei um altar a Xeová, duas quartas de largo por duas de alto.  O día 25, 26, 27 de Xunho de 1907.  O 23 tinha andado todo o día a fazer as entradas do San Xoán no Crasto.   Mistério do Cura.  O día 5 de Agosto de 1907, pola hora das 7.35 da manhán saín da casa, e fún dereito á Igrexa de Guillade, passei polo meio do adro caminho de Mourigade, encontrando o Cura D. Juan Vilar Val, e tivemos unha conversa algo larga, polas 10 da noite quando vinhem de volta, passei outra vez polo adro, dando-lhe 100 centâvos de peseta ó dito Cura pra que me sana-se, etc…  Cheguei á casa, com a noite horrível e escura, caíndo algunhas chuviscas.  A minha tía estava dormida e a minha nái fora á Cañiza.  Ó chegar perto da casa, apurei para non me molhar polas sacudidas do vento.  O 11 de Agosto de 1907 habia festa em Guillade, e pegou-me unha rábia iníqua contra um suxeito (Fernandes) e ós poucos momentos, por me ameazar com unha navalha, atirei-lhe unha pedra, que lhe deu gravemente na testa, eu xa lhe tinha algunha mania dántes.  O 13 pola manhán, a minha nái berregou comigo, eu estava indignado com ela, e deu-me duas pesetas para que fosse a Ponte, para traer pán e peixe, eu fún a Ponte, sim me fixar nas ditas pesetas, e quando vou pagar, repugnan-mas por falsas.  Estaba alí unha nena xá com um pouco de conversa, ela e a padeira, e comezarón a falar de mais em mais, até que me dixo, que non voltara mais á casa e fora c’o ela, eu non quixem, por vía da minha nái, e prestou-me as duas pesetas, com a condiçón de se queria…  pois non lhe quixem as duas pesetas, e vinhem p’ra Guillade sem as compras.  Quedamos de falar para os Remédios em Ponte a 8 de Septembro de 1907, e non a vím mais até hoxe.  Mais tarde, sentín unha voz na consciência que me decía – Ah!  Son Maluco!

manuel calviño souto

oooooooooooooooooooooooooooooo

UM LAGAR DE PEDRA, COM DOUS ESTANQUES.

oooooooooooooooooooooooooooooo

          Descripçón da nena.  Era nova, corpo algo mais pequeno que o meu, branca de rostro algo redondo, fermosa e de bom parecer, e segundo me dixo era de Angoares, e nunca a tinha visto antes.  O 11 de Septembro de 1907, andava eu a botar o chan à casa da Maneta e pola noite tivem malos sonhos, que ó despertar esqueciam-se-me; um deles foi sonhar com unha nena de Oliveira a Cândida, e despois de um pouco de conversa fixemos o coito, e tinha-se vindo por mim o leite dos amores.  O día 7 de Novembro de 1907, estando eu a trabalhar com José Outón, ouvin decir que se casaba unha rapariga, e à noite fún ó Serán a Guillade de baixo, e quadrou estarmos xuntos dentro do Serán por um pouco, no outro día, acometeu-me unha pena que me tirou as ganas de comer, dando-me um sonho apoquentador, estaba lendo um libro, e fún quedando a dormir, por uns vinte minutos.  A dita rapariga vin-na diante de mím em sonhos, polas 11 do día debaixo da minha cereixeira, dixo-me unhas palabras que me esqueceron de seguida; a paixón tivo orixem desde que ouvin decir que casaba (vexa-se arriba) sem eu xamais falar com ela, e quase non a conhecer, e continuou até que cesou à forza de ler oraçóns e evanxelhos, pois que aquela pena non era natural.  Eu tinha unha cruz sobre a cama e unha buxía, e todas as noites vinha unha cousa, tirava a cruz e desaparecia a buxía.  Visón.  O dez de Febreiro de 1908 despois de ir a Ponte, sentía um sono mortal, pois esta noite tivera um sonho com unha rapariga que me estaba a dar bicos e abrazos, nun sítio que eu non conhecia, e despertando vín que tudo era um sonho (Angustias da Pressa).  Gozos!  O día 20 de Febreiro de 1908, tentou-me o sono estando a ler um libro, quedába-me dormido.  Polas horas da tarde do día, vem unha pessoa para que lhe fosse gobernar o corral das galinhas, e que me daba um ósculo….. pois antes de gobernar dito corral…… é escusado decir….. (Tª).   Serrar, escravidón.  O día 21 de Febreiro de 1908 comecei a serrar com um suxeito chamado Reis, passando unha escravitude com o dito fulano. E eu tinha mil sonhos mas esquecia-me ó despertar.  Entre todas as penas e sentimentos de amor, o meu corazón non permitia que tivesse pena senón por nenas bonitas e novas.  Burla da Cruz.  O día 17 de Abril de 1908 (quinta feira Santa, fún à Igrexa em companhia de uns rapaces, encarguei uns zapatos.  Estaban andando as Cruces e eu mofava-me decindo que estavam a adorar a unha pedra, etc… Eu parecia estar fanático, despois, outro día vem um suxeito que lhe escrebe-se unha carta em Castelhano (baixinho), entón começou a dar-me pan e vinho, até que me emborrachei, chegando à casa bebin dez ovos crúos, mas o sono era irresistível.

manuel calviño souto

oooooooooooooooooooooooooooooo

.

               Amor, Igrexa, acompanhado.  O día 11 de Maio de 1908, andava eu a serrar nos Aguieiros, e pegou-me unha dor insufrível polo quadril dereito.  O día 12 fún á Misa de Guillade, e fún acompanhado d’unha nena até á porta da Igrexa, e continuou así até à terceira vez com um amor sincero (era Maria Rosa da Irra), despois fún trabalhar para a Franqueira e andiven bem.  O 1º, 2º, e 3º día, o último sentin debaixo da minha cabeza a interxeiçón (pagª 11), eu estava inchado, sobre as 4 da manhan, deu-me unha aflicçón que houvem de vomitar, e do meu corpo desistía ar.  O día 12 de Xunho de 1908, andava a serrar p’ra Namora, passei uns poucos de días nas mais duras penas, sonhava sonhos malos, e logo esqueciam-me, por último sonhei com homes negros e unha culebra, eu queria-a matar, mas non puiden; e polo día saíndo para dentro do Eido, hora das 10, encontrei unha filha da……….acto annis habetur, muti, nec loquatur bene neque male, ego alteratum ibat ex fornicactione et aliis cogitationibus inmitantibus: ego abrazabit an canque furore pavunper, atque ne intravito internum, sed cucurrit pro me lacte amoris.   Adivinho, Fornelos.  O día 29 de Xulho de 1908, eu e a minha nái fomos a Fornelos xunto do adivinho.  O día 12 de Agosto de 1908 comecei a serrar com Avelino Carracedo, andando dez meses com el.  Tendo muitos sonhos com unha nena, vexa-se arriba Igrexa, despois deu-lhe mal ó meu companheiro, e eu mais quedei muito estéril dos nervos, sendo gravemente molestado pelo Spírito infernal.  O día 18 de Maio, polas 10 horas da manhán, andavan unhas poucas de galinhas fora, dentro do meu Eido, incomodando-me, eu atirei-lhes com unha pedra, quedando unha esterricada… ex seraphinam erat, todos estes días seguidos había sido molestado polo Spírito…   à noite tivem unha grande visón num sonho.  Visón Grandíssima.  Fún a Guillade de baixo, eu estava no meio dunha veiga, onde había um mato e vários regos, e a dita amada se me representou virada p’ra mim, muito triste, parecia um pouco escura; eu estava virado para ela, non podendo decir-lhe palabra ningunha; polo medio de nós passava um grande regato, e ó par do rego um mato que me separava dela, e ademais había várias lagoas, eu estava na parte norte, ela na parte do sul, o regato vinha desde oriente para poênte, mas era muito comprido, polo rego arriba vinha unha grán Serpe saindo da água e introducia-se no mato, facía outra grande volta, tocava a água e introducia-se polo meio do mato até à outra parte, parecia ter três cabezas, e dando outra grande volta polo dito mato, tocava a água e saía outra vez polo mato.  Também parecía ter três rabos; oito horas durou a visón; tan grande era que todavía non acabara de saír, com a dita amada estaba vária xente que eu non conhecia; eu queria matar a Serpe, mas rebeláva-se contra mim e non puidem matá-la, eu non podia ir para xunto do ente querido, nin ela podia vir para xunto de mím, por causa da serpente e do regato, ainda que este sí com custo, nin eu podía facer mal à serpente, nin esta se metia comigo, se queria passar para xunto da amada, a Serpe non me deixava, despois despertei.  Antes desta visón, tinha sonhado várias veces que estava a minha amada falando xunto da minha nái dentro da casa, eu estava um pouco retirado mirando para elas, mas esta visón da Serpe, foi a última vez que sonhei com ela.  San Mateo.  O día 17 de Xulho de 1909 (Sabado) eu e Avelino Gonzalez fomos a Ponte e de alí às vésperas a San Mateo.  O 1º de Agosto fomos ás vésperas a Uma.

manuel calviño souto

oooooooooooooooooooooooooooooo

AS MEMÓRIAS DE MANUEL DA CANLE (24)

oooooooooooooooooooooooooooooo

.

               Spírito.  O día 5 de Decembro de 1911, polas 2,50 da manhán, vem o Spírito inquietarme, facendo-me gritar em alta voz; tivem a seguinte visón:  sonhei que vin o Sol no Oriente e a Lua a Norte, com os cornos puntiagudos, despois corria despido e encontrei com unha cabra branca.  O día 6 de Decembro de 1911, e o 10, 11, e 14, pola hora da meia noite, fún atentado de todos os demónios, pois non facía senón cometer desatinos, etc… Um pensamento, Isolina.  O día 19 de Decembro de 1911, estando eu na casa, Isolina do Caetano, chamou por mim, e falou-me unhas quantas palabras, e retirou-se decindo-me Adeus, desde aquí, comezarón as inspiraçóns com esta nena.  (a inspiraçón parecia ser natural).  Á noite,  despois de sonhar um fim de cousas, por último sonhei que o Sr. Cura Val, me estaba decindo éstas palabras:  A maxía do diábrigo é verdadeira e a melhor.  Esta sí que é a propriedade (vexa-se o Libro de San Cypriano) ademais, tudo se me olvidou, e ó mesmo tempo o Spírito…  molestou-me facendo-me gritar alto, voltou a repetir que a maxía do diábrigo era a principal, quando estaba sonhando isto, eu tinha unha camisa, e acto seguido desperto e, votou-se sobre mim o Spírito…  com um peso que parecia unha persona viva, e fixo-me gritar muito alto.  Despois, continuei sonhando, mas cousas que me  esqueceron.  O meu pé.  O 28 de Decembro de 1911, ainda sentía o pé (rodilha) cortado, fún ó serán a Mourigade e, tiven a notícia que o Sr. Cura Val, estaba doente, e vin os meus antigos amores (Pra.), e começei a falar…  mas logo marchou, as pequenas tinham falado com ela, e ela, como tendo-lhe respeito, non vem, dando-me unha desculpa.  Á noite sonhei que lhe estaba a dar abrazos e bicos ó meu ente querido, e ela achegou-se a mim chorando.

manuel calviño souto

oooooooooooooooooooooooooooooo

AS MEMÓRIAS DE MANUEL DA CANLE (35)

oooooooooooooooooooooooooooooo

.

               Grande Desgraça.   O día 19 de Xulho de 1912, ás dez da manhán, a minha nái berregou comigo, até que eu perdín a paciência, e lhe dei dous punhetazos na cabeza.  O día 20 á tarde fún ó río, e meteu-se o Sol, e vinhem lentamente, e como era crescente da Lúa, logo se meteu; cheguei á Igrexa todo despavorido, mas sem medo, e todo pensativo.  As pequenas cantaban as súas Victórias Xuvenis e triumfantes alegrias de prazer e contentamento, com cânticos de melodía e amor.  Eu estando pensativo e triste da minha vida privada (polo discorrido neste libro) entrei dentro do Ádro, onde os mortais humanos descansan nos seus túmulos, com um sono de paz, os seres queridos deixaron de existir, cuxa vida se apagou.  Pois, com esforzo, fún ó Cemitério, onde repousan os restos mortais do xénero humano e rezei P. N. Avª. unanque crâneam mecum.  Unha Cadelinha branca, que eu comprara fái duas semanas estaba comigo, vinhem prá minha casa com pavor e angústia, E o día 21 a minha nái fora a Sta. Baya e trouxo notícias muito malas acerca de enfermedades, feitizos, invexas, bruxarías, etc…  O 22, houbo unha rixa, por cerrar o Socalco do Grillo;  O 25 fún á festa de Guillade, e despois de bailar 1ª e 2ª vez; à noite dançei com o meu ente querido, e falando com ela dixen-lhe se queria conjunctionen mecum, e ela dixo-me que ainda era nova.  Mas sobre a manhán, tivem um sonho com a Sra. Tsa. de Queimadelos, sonhara que me estava a dar unha taza de caldo, intercalando unha conversa que só aprendín o seguinte:  Non fún capaz de facer-lho á filha, como a tí……. replicou unha mulher;  Nón, non, non busques outro demónio, senón aquí, etc…   Eu via a Sra. Tsa. e mais duas mulheres, e pratos, tazas, colheres, etc…, mas parecia ser no meio de um monte, ou sitio así parecido.  O día 11 de Agosto de 1912, desapareceu a minha cadela (chamada Ronda).

manuel calviño souto

oooooooooooooooooooooooooooooo

.

               Susto, Sprito.  O día 12 de Agosto de 1912 (Segunda feira), fún trabalhar prá Erra com o Gomes, ó deixar o trabalho, fún polo Moscaído para que me emprestáran um libro (Orixem do Cristianísmo), demorando até ás 2,30, quando cheguei á encrucilhada do santo, tivem remorsos, e seguín pola Cavadinha, e ó chegar ó monte de Novás, arrepiáron-se-me os cabelos, e o corpo estremeceu-me todo, quería falar ou rezar e nón podía.  Logo, mudei de fala, e nón me iba o pensamento para fazer a sinal da cruz, senón para pensar no demónio. Por último quedei sem fala, e sem xuício, e nón ouvía nada, só decía Xesús, Xesús!  Apenas me ouvía a mim mesmo, non obstânte, ouviron-me os vecinhos do Cotiño.  Estaba completamente sem forzas, como que me postrava, e das poucas forzas restantes, em vez de ir dereito polo caminho, iba para trás, á dereita, á esquerda, etc…  e nón andava pra diante, senón com um inmenso esforzo, de maneira que me levou unha hora pra saír do monte.  Estiven alí 15 minutos, e despois fixem outro esforzo, armei unha carreira e vinhem parar no meio do monte, alí estivem outros quince, despois fixem outro esforzo e, logo outro mais, etc…  De modo que, ó fim de unha hora, vín saír ó socalco, mas a cousa mala, non me deixou até á porta da casa.  Sacaron-se-me as ganas de comer, despois quixem ler uns exorcísmos, mas em vez de ler, tataleaba e farfalhaba, e tardava-me a fala, decía unha palabra e xa nón podia seguir, sentía um arrepiamento parecido ó de  Novás, despois comim unha sardinha e fún-me deitar, tendo um sonho que me esqueceu, mas pola alta noite, ven-me inquietar tal como fixera no monte de Novás.

manuel calviño souto

oooooooooooooooooooooooooooooo

.

               O 13 de Agosto, ó deixar o trabalho 6,38 da tarde, quase aínda de día, vinhem polo regueiro das Varxas, alí acometeu-me da mesma maneira, só que um pouco menos de tempo.  O 15 de Agosto de 1912, ó vir das vísperas de Mouriscados, a cousa mala acometeu-me uns poucos passos ó passar a mina, desde este día, quedei com medo todas as noites em xeral.  O día 20 de Agosto de 1912, ó chegar á casa encontrei a minha querida cadela, cheia de choros e suspíros, e tamém de lodo, mas ó mesmo tempo contenta com a sua victória.  O día 6 de Septembro de 1912, fún a Ponte, e neste mesmo día voltou a desaparecer, a dita cadela até hoxe…  A cousa mala, tratou de me molestar de noite na cama ó dormir e tamém desperto. Despois tratou de me molestar, em todas as esquinas, onde eu estivéra, aínda que fora com companhía, quedando exânime no meio dos companheiros.  Sentía um calor inmenso, mas um calor extranho, que me punha tonto da cabeza, se exorcisaba vinha aquel vaho, que parecía que estaba num forno ardendo, e era obrigado a parar, até que cheguei a chorar.  Dormía com a luz acendida para que abracásse um pouco, mas mesmo así tinha impulsos que me mataban, unha noite gritéi em alta voz: ¡¡Adidios!!  ¡¡Mimadrinha!!  Até que, a minha nái me vém acudir, e até os vecinhos ouviron.  Tivem que recorrer ó “Corpo Aberto”,  Sybilas, etc…  Das quais, ninguém me daba remédio, e os remédios que me daban, nón surtían efeito, a cousa chegou a molestar-me até de día, eu xá contaba com unha morte certíssima.  Dormía com a luz acêndida toda a noite, e com tudo, me fixo passar a influência para o sexo femenino, o beber vinho, interrompía-me o sono, etc…  Asaltában-me sonhos malígnos a ponto de morrer de um letárgo ou catalépsia.  Despois, fún serrar para San Pedro, eu e um antigo companheiro Carracedo,  días despois, comecei a cair doente.

manuel calviño souto

OOOOOOOOOOOOOOOOOOOOOOOOOOOOOO

.

               Enfermo. O día 6 de Xaneiro de 1913, aconteceu-me um rouquém que non falava nada, nem alto nem baixo, nim pouco nim muito, e c’os demais só me entendía por xestos; dor de cabeza e de ossos, metín-me na cama, e permanecín néla 20 días.  Tinha sonhos idénticos com Rª da Teixúcha, nunha noite, sonhei que a estaba vendo desde um ponto lonxáno, e ouvín unha voz que me dixo – casa com ela – xá outras vezes, me vinhéra este pensamento em sonhos.  Tal soába, tal procedía, outra noite, falei com ela no seu portal, e de noite tiven o sonho seguinte; eu  tinha-lhe falado in conjugâle.  Sonhei que estaba na casa, e vêm a dita moza correndo, abríu a artesa e nada topou, vinha coxa d’unha perna, aproximando-se a mim, tomei-a no meu leito, e vim que tinha um pé fracturado, e o outro estaba gráve, deu um repelón, e puxo-se no chán e marchou como por encânto. Entón saín ó quintal, e vín-na ir para a sua casa, acto  seguido ouvín unha voz que dixo – Ah! agora non se casa com el, porque partíu unha perna. Despois, foi-me o pensamento para D. Riscos, porque o outro día estaba ela falando com o dito suxeito, etc… etc…   Rinha. Equívoco.  O día 5 de Maio de 1913, enganei-me ó medir unha madeira para D. Riscos, tivemos que ir medir duas vezes, estando na taberna, resultaron palabras inxuriosas do taberneiro (Nube), até que tiven de bater-me com el.  Promesa.  O día 13 de Xunho de 1913 (Sexta), día de Santo António de Pádua,  fún á misa a Guillade, mandei botar 5 recorderos, executados polo Senhor Cura da Carrasqueira, assistênte nesta dita Parróquia, cantadas no altar das Angústias dichos “ad intenction meam”, vexa-se “grán disgrácia” pag. 54, Susto 55, etc…

manuel calviño souto

oooooooooooooooooooooooooooooo

               Carpinteiro em Vilacoba.  O día 16 de Xunho fún trabalhar de carpinteiro para Vilacoba com Vidal.  Á noite tiven um sonho  que polo que me acorda, sonhéi que estaba com Aldemira da Sorda, despois colhín-na pola cintura, derramando-se por mím o leite dos amores.  O 18 tiven um sonho que me esqueceu.  Pola manhán do día 28 de Agosto de 1913, o 31, á tarde.  Sobre a manhán  o Spírito…   molestou-me de maneira forte, até que eu perdín as forzas, acometendo-me um sonho aterrador.  O día 4 de Septembro de 1913, polas 11,30 da noite, estaba o Adivinho (Carujera) sobre mim com o Spírito…  facendo-me a punheta…  a malvadez que esta xente maxía fái com as almas, facendo-me correr por mim o leite dos amores.  Concubina.  O día 9 de Septembro de 1913, polas oito da noite fún á (vexa-se gozo 1º páxina 32.  O 17 de Outubro de 1913, vinha de trabalhar da casa da Namora com Vidal, el sexo masculino no Cotinho, estaban gostando as duçuras do amor, eu, por disgrácia, faltando-me essa sorte, vinheron-me malos pensamentos, atribuíndo tudo á forza das bruxarías, pois o meu corpo estaba feito um depósito de aire, etc…    os meus pensamentos estaban, desnorteados.  Pola noite ven o Spírito malo inquietar-me de unha maneira horrorossíssima.

manuel calviño souto

oooooooooooooooooooooooooooooo

      Sonho desertor de Preciosa.  O día 17 de Outubro de 1913, sonhei que estaba nunha fésta descalzo, eu e Preciosa…, ó fím resultou que atopamos unha moeda falsa, eu faláva-lhe com amor.  Estávamos em marcha para casa, e apareceu outro rapaz com nós, ós poucos momentos, apareceron dous mais, estes últimos, queriam uvas, entón eu desenhei-lhe unha vinha muito florida, que parecía ser de D. Ignácio.  Acto seguído, vexo passar Pra. de frente, a uns oitenta metros, caminhando para a vinha, eu seguín-na, tán pronto cheguei alá, estaba ela colhendo unhas castanhas, debaixo d’um castanheiro.  Ó seguir viáxe, passamos por diante d’unhas casas, intentando eu que non me visen, dixem-lhe que non corre-se, mas ela mais corría.  Despois, ouvín unha voz que dixo – donde é essa rapariga, e nada respondemos; entramos núm caminho que parecía ser unha carretera, alí parou-se um pouco, e passou por xunto de nós unha mulher feia, e dous rapazes feíssimos, um deles dixo: Pra… non vale nada, non sái de quêm é. Despois entramos nunha carretera, ela marchou diante correndo demasiado, e eu detrás dela, até que cheguei a um sítio, onde partía um carreiro p’rá dereita, e sumíu-se-me da vista.  Andei um pouco á sua procura, e non a encontrei.  Despois, seguím a estrada e encontrei-me nunha frága de carbalhos, e unhas velhas, duas mulheres trabalhando, eu dei volta á dereita, e introducín-me nunhas veigas deliciossíssimas, provistas de herba, horta, frutáis, água.  Entón, vêm-me um morto ó pensamento, por serêm as veigas del, e sêm saber como, aparecín com a escopeta nas máns, e á dereita dous guardas, estes despois de unha disputa, vinham para me prender, mas eu disparei um tiro, e a escopeta disparou outro, e a luta seguíu.  Apareceron logo, duas mulheres contra mím, ofendín unha, e escapei, e despois parece que fún arrebatado polos aires.  Desperto, e eran as cinco da manhán, deixei-me estár, tiven outro sonho, mas pequeno…

manuel calviño souto

oooooooooooooooooooooooooooooo

.

               Visón.  Sonhei que eu iba por uns caminhos, e vía um grande “miting” á minha dereita, parecía ser num caminho, os oradores eran guardas-civiles, eu seguín de frente e entréi num átrio e a igrexa estaba caleáda, á ezquerda mirei unha cousa que parecía ser um palácio e de alí levantou-se unha figura de home, só que o corpo nón se vergaba, andava polo ar teso, com naríz de duas quartas de comprido, non tinha olhos, nem buracos deles e apenas tinha figura humana, entón começou a falar para o miting, mas frases que se nón entendían, senón que parecía grunhir como um cán, algo parecido a unha donosinha.  Aproximou-se de mím (mas entón tendo outra figura, mais idêntica ao diábo), e estábamos por brigar os dous, e como temía del, e el temía de mím, e eu non facía por dar-lhe, el iba-se marchando, entón vên-me a idéia de perguntar-lhe, que me déra unha receita para colher unha mulher, ó que se negou.  Eu, abrazei-me a él, para que ma dixéra, que o deixava dare fornicationen, entón meteu pola minha natureza a súa, servindo eu para el de mulher.  Dixo-me que había que meter-lhe a ilusíon na cabeza, para que me acompanhá-se a lonxe, onde nón andara xente, a um monte deserto, e terminou com palabras confusas, das que nón aproveitei mais nada.  ¡Pois, se burro estaba, burro quedei!  Despertei, e tinha sobre mím o Spírito malo!  Antes e despois deste sonho, voltou a molestar-me muitas vezes.  Hoxe, 3 de Febreiro de 1914, á noite, estando a aquecernos ó lume da lareira, eu dormitaba algo e mamá velába, ó calor morno.  Vindo-me o Spírito molestar polas 11 da noite, polas duas da manhán.  De manhán, levantei-me despavorido, e pola unha da tarde preparei algo de comer, e despois ó redor do lume fixem um exorcismo.

manuel calviño souto

oooooooooooooooooooooooooooooo

.

               Vidal demanda.  O día 8 de Febreiro de 1914, fún xunto com Vidal, que me mandara ir, pois facía dous meses que  andava correndo para ésta casa; pois este día apurei-nos, fixéron contas, mas nada recebím, que outro día próximo me pagaba a dívida 134 reais.  Logo, começou a tendeira (Lisa) berregando que senón o demandaba non colhería um centávo.  Meteu-se o Fernandez, que me ilusionou todo o xuíço. Outros á sua vez parece que vinham metidos pela namora, porque lhe tinham rábias ó Vidal…  Eu fún xunto do Procurador, e como foram falar com el os anteditos, dixo-me que a demanda iba tal día para o Xulgado. Nisto, quedei sobrecolhido, e dixem com aspécto carrancudo, “nón Senhor, nada de Xulgados”!  “Mande-lhe aviso, e pagará-se-lhe o valor da carta, e o que demais se fará, xa lho indicarei.”  Pois, recebím a cantidade devída, sendo o gasto do Procurador por minha conta, tendo que pagar á tendeira onde el era fiador.  Pecado.  O día 17 de Março de 1914, unha filha da Generosa Iglesias (vexa-se pag. 33, final mesmo, onde eu tinha tido um sonho com a sua nái sobre o mesmo assunto.  O 20 de Abril, fún á fésta, conhecía-se-me bem que eu estaba embruxádo, nón dancei nada absolutamente, e despois ó vir, vinhem na companhía de Isolina e Carmela, e tivem notícias dias despois, que tinham vindo por minha culpa.  Enfermedade de Carmela e de Isolina.  O terceiro día souben, que lhe tinha dado mal a éstas duas amigas, e que chegou a ser gráve.  De noite, tivem a seguinte visón, sonhei que estaba na casa a ler num libro, na cozinha, e no meio da casa vexo estar Isolina, muito tríste, e ó seu lado estaba Maria da Ganeca, com a qual eu estaba falando e vestía de branco.  Algunhas noites antes disto, eu tinha tído um sonho com Isolina, e que me dixéra ésta expresón “Adeus”.

manuel calviño souto

oooooooooooooooooooooooooooooo

.

               Ideia de Embarcar.  O día 24 de Maio de 1914, eu pensaba embarcar, e xa tinha um fiador e os papeis correntes do Serviço Militar.  Acto seguido, deu-me unha dor de cabeza enormíssima, que com grande trabalho fixem passar á forza de exorcísmos.  Conselho do adivinho.  Nestes días fún a Fornélos, e dixo-me o seguinte: “a embarcar, non te aconselho, mas que te vaias.”  Perguntei-lhe, se morrería, e dixo que non…  mas que, muita xente, tería gosto de me ver mal, e empáta-me a viaxe.  As ideias de noite, quando pensas nunha cousa, e quanto mais firme é, á manhán quebran-se as ideias, as forzas e a fé, xá nada fás do dito e do pensado.  Sonho com a Sibylla.  O 26 de Maio de 1914, pola noite, tivem um sonho y algo se me esqueceu, tivem unha aspiraçón de sentido com a Sibylla de Ponte (C.), é decir, non a vín, só me foi o pensamento para alí, pensei no barulho que tivém com ela (vexa-se, pag. 53 berregar).  Sonhei com Vidal de Vilacoba, que me quería pagar e, com este medo non lhe entréi no Portal, ó marchar ouvín a sua voz que decía: “non almorzamos, Manuel non almorzamos”.  E isto tudo sonhado com o pensamento, pois non cheguei a vê-lo em imaxém, e nésta noite, o Spírito molestou-me algo.  O 28 de Maio de 1914, era o día desenhado para me afianzar, e a minha nái endemoniou-se, e eu com dor de cabeza.

manuel calviño souto

oooooooooooooooooooooooooooooo

.

               Recordo de Lisboa, segunda vez.  O día 9 de Xulho de 1914, polas três e vinte da manhán, tivem um sonho muito extranho, que tán pronto despertei se me esquecéu repentíssimamente.  Partín ás 4,15 da manhán para Lisboa, onde cheguéi o día dez Terça Feira, polas 7,20 da manhán. Á noite do día 23, fún ó Campo-Pequeno, encontrando um rapáz que me enganou, decindo que iba trabalhar com el na descarga, que lhe pedía ó patrón, e tinha de estár alá ás 3 da manhán, e que o melhor sería andar de vixília, e comer algo xuntos. Despois, peguei no sono, e roubou-me 60 escudos, um relóxio, e unha cadena, o Spírito inmundo tinha-me molestádo fortemente.  O día 26 de Xulho, fún para Xabrégas, trabalhar pró armazém de vinhos do Senhor Martins, botei 45 días, o Spírito… molestou-me, toda a noite, non sonhei nada e sobre a manhán, sonhei que estaba na Fraga e vía Isolina e a sua irmán escondendo-se de mím, mas de brincadeira e despois sorríron-me, mas Isolina estába desnuda completamente, avistei-lhe as pernas, os muslos, a natura (com pelos negros), logo fún xunto déla e abrazei-na amorosamente, mas sem fazer-lhe mal, conversámos unhas quantas palábras, e enseguída aparecerón uns poucos rapázes arredor de nós, e um puxo-se diante de mím e déla a mirar (facendo pártes finxídas), deitado no chán el solo.  Eu quería retirar-me, mas tinha pena de Isolina, que quedába com mala xente, logo foise-me representando um sítio extranho, despois apareceu vestida, e quedou alí, eu retirei-me com suma pena déla.  Despois, outra noite seguída sonhei com Guillermina do Bértolo, que ibamos por um caminho, eu á moda de brincadeira botei-lhe a mán porriba, e ela deixou-se cair no chán, como berregando e ó mesmo tempo como que quería chorar, a sua nái como que voltou para trás a cara, entón eu dixén que fora ela que se atirára para o chán.  Este sonho, repetiu-se segunda vez.  Outra noite, ven-me um pensamento sobre Buenos-Aires, que passára para lá o mar a nado.  Mas estes sonhos, quase que se me esquecían, despois sonhei com o Coxo, a Teixucha, a Ganeca, Carmela, a Isolina que me dixéra adeus.  Mas de unha maneira mais agradável, e non tríste como da outra vez.  Sonhei com meu pai, três vezes sonhei com a Coruxeira, e sonhei com os meus companheiros de trabalho.

manuel calviño souto

oooooooooooooooooooooooooooooo

.

               Profecías em Lisboa.  De día a día sonhaba que andava por caminhos conhecidos da minha terra, sonhei com minha nái, que eu estaba nas veigas de Matamá em Abril e ela andáva leirando, eu alí escondido sem naide saber de mím, sonhei que vinha Pura do Pachugo montada num cabalo, cara á minha casa.  Ouvín a  voz da Ganeca decindo, que se iba prá casa sería malo pra mím.  Sonhei estár no Cotinho a cantar as palabras Réquien…  o Spírito… molestoume e fixo derramar o leite dos amores, e isto repetiu-se amiúdo durante os dous primeiros meses.  O 23 de Sptembro, tive um sonho na Calzada de Stª. Ana, que logo se me esqueceron, eu xá pensaba voltar a Galiza. Tiven mais alguns sonhos, mas quedaron na fonte do olvido.  O primeiro de Outubro de 1914, de noite sonhei que estába na minha terra, e vexo vir Isolina do Caetano, eu mirando para ela sem afecto ningúm, entón ela dixo-me com voz alegre como parecendo de risa.  ¡Adios Manuel!  Eu respondin-lhe, mas non sei que foi.  Despois de momentos eu aparecín na casa do meu pái á mesa, dando-me pán…   Despois, sem saber como nem por donde aparecín com Vidal de Vilacoba, non sei que facendo, mas me parece que estabamos comendo, eu quería pagar unha conta e estaba titubeando com o dinheiro, logo foi Vidal e deu-me unha moeda de vinte reais e parece que algunhas pesetas soltas, tudo em prata.  Perguntei-lhe, para que era aquílo, e dixem que non lhas quería.  El dixo que logo as ganhaba, que eran para trabalhar alí com el, e logo despertei e atópo-me em Lisboa, día de todos os fieles-difuntos.  O día 3 de Novembro de 1914, sonhei que estaba em um sítio que non conhecín, vexo a Isolina do Caetano a quatro patas, como que se quería levantar, e eu me abrazei sobre ela com mal pensamento, e nésta disposiçón falamos, logo fomo-nos pondo em pé na dita disposiçón, e ela com as costas dando-me empurróns, non lhe fixem mal, nem se derramou o leite dos amores.

manuel calviño souto

oooooooooooooooooooooooooooooo

.

               Sonhei que estava núm caminho fundo e vía saír água pola ranhura d’unha pedra, e estivém mirando tempo longo.  Despois vêm-me um pensamento, que o Patrón berregava comigo, e marchéi a toda présa, entréi na casa e vexo um Monte minado e no meio había grandes pedras, – dixem-lhe eu ó Patrón – isto é melhor desfacêlas, e dixo: non que as déi a fulano, dixo-me um nome que se me esqueceu.  Marchando por um caminho, tivém remorso no corpo; sentín ganír um cán, e dixém eu, vai haber morte, e marchei com este pensamento.  Eu tenho que quedar na rúa, para dar paz, tenho que passar castigos por outros, e non sei que outras cousas mais dixém.  Despois, pensei nunhas poucas de raparigas (Rsa. da Teixucha, Isolina do Caetano), estava pensando que non tinha dinheiro, e para levar unha vida mais tranquila, o melhor era voltar ós meus antigos Amores (pareceu-me, era Pra.), quedei entregado a unha calma enorme.  Sonho, O Abismo.  O día 6 de Novembro de 1914, sonhei que iba por um caminho, e á dereita vexo uns buracos muito fundos (o Abismo), mais tarde sonhei que correran por mím o leite dos amores, esquecin-me das outras voltas.  Desde o 6 até ó 11 do mesmo mês,  tivém muitos sonhos, mas non eran idênticos ó obxecto com quém sonhava, e ademais esquecerom-se-me muitas voltas. O día 9 sonhei que estava na Terra e sonhei con Carmela da Costa; o 11 con Leonor de Marcos, e tivém unha intuiçón da Piancha; entre tudo isto eu fún muito molestado pelo Spírito…  Sonhei que estava debaixo da minha figueira con outro, e que eramos soldados, e mirá-mos vir por xunto da minha casa, um reximento de Soldados Alemáns.  Logo sonhei que estava em casa, e dêm uns oito paus na minha nái. mas de fortes, que ela caíu em terra.  Logo, aparecín dentro de unha casa velha, que tinha um grande Canhón de Guerra virado para o mar.  Despois de um momento, saín dalí, e avistava na direcçón de Tui e Portugal, os mesmos montes e Côtos, etc…   e estava pensando isto – ¿Ah. Por onde os Alemáns haberían de entrar, etc…?

manuel calviño souto

oooooooooooooooooooooooooooooo

.

               Casa Roubada.  O día 29 de Novembro de 1914, polas três da manhán, sonhei que aparecín nunhas casas velhas arruinadas, cheias de silvas, onde estaba um indivíduo vestido de preto, e eu mandei-lhe fazer um tráxe, pondo el o pano.  Entón, vinhem cara á minha casa depréssa, até que voáva polos aires (unha quarta porriba do chán), ó chegar a debaixo da minha xanéla, vinha o caminho cheio de água, e eu submerxíndo-me na água, vinhem a nadar até á porta da casa, alí estaba a minha nái, a chorar decíndo que lhe tinham roubado a casa, que deixára quedar a chave na porta.  Eu aparecín no Cotinho, entréi na casa da …, vín-na deitar na cama, e fún prá xunto déla, mas non entrei néla, nem se derramou por mím o leite dos amores (a atmosféra tinha aspecto de ser noite)  Despois subín áquel alto e vexo vir Guilhermina com o rostro encendido, e perguntei-lhe que caralho quería, e ela correndo sem perder tempo marchou até á Ferreira, e dixo-me que o caralho xa o levára, a mím, vêm-me a ideia de casar com ela, mas duvidába porque andaba prenhada, ou non sei qué; ouvín unha voz que dixo: -con ela têm que casar, quêm a… etc…, despois eu estaba entre unhas poucas de pedras, balados, sucalcos, etc…, ou cousa semelhante, vindo-me ó pensamento de que alí andavam serpes, e estába axuxándo quando saíam, para as matar.  Eu estaba com medo, había duas pessoas conmigo que non conhecím, um pouco mais, e apoderou-se de mím um medo que marchéi, nunca  as cobras saíron, nem eu as vín.

manuel calviño souto

oooooooooooooooooooooooooooooo

.

               Hospital de San Xosé.  O día 29 de Sptembro de 1914 á noite sonhei que estava na minha terra natural, e estaba a ver que hora era. logo aparecín com um escrito na mán, chorando diante de um individuo.  O 1º de Decembro de 1914 fún ó hospital de Lisboa tomar unha consulta: os médicos me examinaron a 1ª vez, quando os demais, logo apartaron-me para um sítio, e por fím examinaron-me 2ª vez e non deron com a enfermedade, por último atribuíron o caso a falta de limpeza ou sarna, derom-me um baño e mandaron-me.  De noite tivem um sonho, que tantas voltas levou que é impossíbel enumerálas; eu sonhei com consultas, carros, figueiras, caminhos, ouvín unha voz que me díxo… Generosa…xa está casada, por último vín-na nunha encrucilhada, acompanhada de unhas poucas pequenas.  O día 2 de Decembro voltei ó hospital, e como fún em xexúm, voltei prá casa, e ó chegar iba apuntar éstas linhas, vindo-me ó momento unha cousa pola cabeza que quedei sem sentido por um minuto, porque se dura-se mais tempo, eu deixava de existir (vexa-se páxina 54… Susto páxina 55)  Dor forte nos quadrís.  O día 10 de Decembro de 1914 á noite tivem o sonho seguinte: Sonhei com minha nái, e despois voltei a sonhar e ó mesmo tempo o Spírito… estaba sobre mím inquietándome.  Polas 4.50 da manhán despertei algo despavorido, estonteado, insensíbel com unha dor pontiaguda nos quadrís.  O 17 fún ó Consulado… De noite notei que estaba num sítio que non conhecín, e estaba vendo um corvo negro, chamei por el e levantou voo para mím. Caput.  Despois subín uns montes altos, que me pareceron os montes de Lisboa, vín uns cotos muito altos que eu imaxinéi ser os da Galiza (minha terra), despois sonhei que iba polo monte do Cotiño  arriba, e vên-me em cima um forte pensamento de que eu som um malandro, e esqueceron-se-me muitas voltas, despertei, e encontro-me em Lisboa, com trinta reis e quinze centávos.

manuel calviño souto

oooooooooooooooooooooooooooooo

.

        O Largo das Gralhas.  O 22 de Decembro de 1914, fún trabalhar pró Largo das Gralhas (padaría), para andar nunha venda, no lugar do António do… uns días, enquanto el non se punha bem de unha perna; tivem alá mil sonhos, ó princípio muito discretos, logo pró final algo confusos.  O Spírito… xamais me tinha molestado tanto como no Largo das Gralhas, eu chegára á decadência completa, as paixóns, a miséria física, a desgráça e a mala sorte, tinha tirado conmigo ás sombras da morte, quase á terra do esquecimento, e poucos días despois ouvín criticarme, sobre aquílo que um home busca e non quixéra encontrar.  O día 24 de Decembro de 1914, sonhei que estaba na terra (dentro do eido), vía xente, alí vín o meu corpo vestido com unhas calzas de ganga, com um vivo pensamento que non tinha dinheiro, que estaba na puta miséria.  O 7 de Xaneiro de 1915, sobre a manhan, me chamában para o serviço militar,  e eu protestába porque motivo me tinham chamado a mím, diante de mím iba Isolina do Caetano, parecendo como que fuxía, mas presentou-se-me mais pequena do que na realidade era, despois encontrei unha garíta, que pensei ser a minha, as demais voltas esqueceron-se-me.

manuel calviño souto

oooooooooooooooooooooooooooooo

.

               Sonho terríbel.  O día 15 de Xaneiro de 1915, no Largo das Gralhas hora das 5,20 da manhán, toda a noite andei em convulsóns com sonhos, mas acabaron por esquecer-me todos.  Vín a Rosa da Teixucha de luto e triste.  O 18 de Xaneiro de 1915, fún-me deitar e puxen-me a pensar na vida, com viva ideia e firme nos meus actos passados, e no Spírito…  ante passados mortos, “ad calaveran”, etc…  e sempre dando voltas na cama e a pensar em “muliéribus”…  despois de largo tempo, logrei pegar no sono.  Sonhei que andava xunto de unha igrexa de Lisboa (de Santo Cristovao), eu entrei de rodacú, porque tivem um pensamento de que era bô así.  E vín a Fco. da Furuda ír por um caminho, despois vín unha sacristía e um home com unha luz que entrou também nunha igrexa, logo fún e entrei tamém, e neste momento, como que me quería afectar o medo, e acto seguido desperto e vêm o Spírito…  inquietar-me de tal modo e com tanta força, que eu bramaba com grandes gritos e alaridos, que os padeiros que estabam velando quedarón surpreendidos; ó despertar ouvín decir ós companheiros éstas fráses, etc…  “Está endemoniádo, grunhía como um cán”.  O día 19 de Xaneiro de 1915, sonhei que estaba na terra, proximo de mím estaba Maria da Ganeca, a atmosfera estaba escura como de noite, e eu andava facendo cabriolas.  O día 20 de Xaneiro de 1915, sonhei que estaba no sítio da Fraga, onde andaban uns poucos de rapazes, um deles fixo-me unha partida, e eu andaba detrás del para bater-lhe.  Logo, vexo aparecer Guilhermina do Bértolo com o rostro resplandecente que parecía fogo.

manuel calviño souto

oooooooooooooooooooooooooooooo

.

               O meu Espírito.  O día 25 de Novembro de 1915, sonhei que estaba eu dentro do eido, e vín o meu corpo com a roupa velha que tinha antes de ir a Lisboa, mas esqueceron-me as voltas do sonho, e outras vou deixá-las por non terem sentido, nem seguimento, tal como a de eu fazer unha casa debaixo da terra, e ter alá unha rapariga escondida para que mamá non a vira, etc…  Tivem unha intuiçón com o Patrón (António Calviño) que dixéra, dous tistonscinhos sím, está bem, mas a mím também me fán falta os dous tistóns.  Era o que eu ganhaba com el e com o pan.  Foron tan variádos os sonhos e innumeráveis, pois sonhaba e tenho sonhado com tudo o que há no mundo, e até fora del, que sería molesto para mím e para os meus leitores enumerar sonhos tan complicados, pois non chega a paciência.  Calzada do Sacramento.  O día 5 de Marzo de 1915, entréi para o trabalho na Calzada do Sacramento nº 12 com Manuel da Rosária, o día 10 de Marzo de 1915, deu-me um tremor polo corpo, escalofríos, dor de ossos e cabeza, os sonhos mais agoureiros. Mas o día 4 de Abril de 1915, despertei todo despavorido, mas com a firme ideía em Isolina do Caetano, unha ideía firme e craváda nela, que parecía que malucaba, cheio de pena e aflicçón.  Sonhei com um Spírito que me decía, que el prohibía que Isolina se case e non sei que mais me dixo, etc…  Este sonho foi quase por intuiçón.

manuel calviño souto

oooooooooooooooooooooooooooooo

.

               Caída do cabelo.  O 20 de Abril, sentím-me da dor de quadrís (pag. 71) quando me baixaba a colher algo, quase non me podía levantar, da devandita doença, combulsións, Spíritos, Sybilas, etc…  resultou tudo na caída de cabelo, e hoxe día da data segue caíndo.  Ferída Venérea.  O día 2 de Maio de 1915, dei-me conta que tinha unha ferída no membro viríl…   e logo parecía um changlo, fixem-lhe várias curas que me indicaron, mas a dor era insufríbel. Também me asaltaron os nervos, unha tosse no peito e dor de cabeza d’arriba.  O día 11 de Maio de 1915, fún ó Hospital do Desterro, facer curativos, que continuei por unhas semanas.  O día 12, saíu tropa para organizar-se em Combate, 2ª Proclamaçón da República, polas oito e cinquenta da manhán, estaba eu no Hospital.  Ouvia-se desde o mar grandes pezas, e chegaron vários polícias fuxidos e xente a montóns.  Revoluçón, intuiçón.  Compadecéos; Compadecéos queridos amigos.  Rosas olorosas dos bosques floridos; Só vós me podeis contentar, reparade a minha desgraça e a minha sorte, porque o deserto é a minha casa…

manuel calviño souto

oooooooooooooooooooooooooooooo

.

           Viáxe: Saída de Lisboa.  O día 22 de Maio de 1915, fún á Rua do Xardím do Tabáco, comprar o bilhete, e seguín viáxe para o Porto, onde cheguei ás oito da manhán do día 24 no vapor Cysne, tivemos um temporal no mar, que atrasou um día e meio.  O 25 de Maio de 1915, saín do Porto caminho de Valênça do Minho, com 13.000 réis no bolso. O día seguinte para Porriño a pé, alí saquei bilhete para Pontevedra, e ó chegar a Redondela, mudei de comboio e fún ter a Vigo.  No meio do caminho, sentín um grande arrependimento e um vahído (vexa-se pág. 55 e 56, Susto).  Desde Vigo, vinhem a pé cara a Pontareas, onde descansei, e á noite a minha pousada foi a campo.  Logo, de pola manhán seguín viaxe para Mondariz, e dalí para Guillade.  Encontrei mamá fartando-se de bater na sua cabeza, por chegar eu com os zapatos velhos rotos, roupa velha, camisa rota, e empenhado em dez duros.  Da viaxe, excepto a enfermedade, etc. etc. etc…  Ó passar por Pontareas, dixerón-me  que facía um mês, que morre-ra a Sybilla (Carrujera).  Claudio Souto Rodriguez (19 de Maio de 1915).

manuel calviño souto

oooooooooooooooooooooooooooooo

.

            Realidade. Desde que cheguei á Galiza foi admirábel a grande diferença que notei nos sonhos, pois em Portugal, sonhaba de unha maneira alucinante, que parecía que eu estaba realmente desperto, compenetrádo corpo e alma com a cousa sonhada, até tal ponto que a vida se retiraba do corpo e se concentraba na alma, que xamais tinha tido sonhos tan reais.  Como quando morreu o ilustríssimo espiritísta Don Juan Vilar Val, cura que foi de ésta parróquia de Guillade y a notábel Sybilla de Ponte Dª Juana…, por alcurnia a (Corujera).  O 6 de Xúlio de 1915, eu andaba dolente, da dor aguda nos quadrís (pag. 71), que todavía era insufríbel.  Sonhos realizados. Tristeza.  O día 15 de Xúlio de 1915, fún escreber unha carta e envitaron-me a comer, que acto seguido me recorda o sonho da (pag. 67) de Isolina e o seu pai.  O 25 de Xúlio de 1915, non fún á fésta, por non ter roupa, nem saúde, etc…  Neste día, tivem unha tristeza imensa, e á noite tivem a seguinte Visón, sonhei que estaba num sítio donde vía a porta da Igrexa de Guillade de léxos, e comigo estaba Isolina do Caetano e Carmela da Costa, que estaba com a cabeza no chán, como se fora mergulhar, mas Isolina estaba mais próxima, de pé, séria, corpo pequeno como na realidade.  Tivem sobre ela uns pensamentos, que era pequena, e que era nova, e non lhe liguei afecçón ningunha, etc…  e non se falou nada.  Outra noite, sonhei que estaba brincando com ela no Portocelo.  Os sonhos dos días um ó quinze de Agosto de 1915, uns por outros, todos se me esqueceron, ou pouco me recordaban.  O mesmo día 15, apareceu-me um changlo na boca, lábio superior esquerdo.

manuel calviño souto

oooooooooooooooooooooooooooooo

.

       Socorro. Socorro.  O día 19 de Agosto de 1915, fún escreber unha carta a Caetano, mostrando-se muito dolorido ó despedir-me, com voz grave e ton de tristeza.  Á noite sonhei com el e a súa filha Isolina; sei que eran eles por unha aspiraçón do sentido, e algo percebín-no também em imaxem, mas alí se me mostrou muito fea, que me non parecía cristiana.  E o seu pai, tamén muito feíssimo, o qual a agarrou por um brazo, e non sei que fixo, mas parece lhe bateu, mandando-a non sei onde…  Despois, encontrei-me debaixo de unha figueira e estaba vendo figos maduros entre as folhas verdes.  Sonhei que ía por uns caminhos, e de vez em quando dába-me a tosse, e vinha-me um pensamento de que estaba enfermo, quando tossía botaba fora o exputo, e ó mesmo tempo golfaradas de sangue entremisturadas e sentía-as brotar do peito, como se estivera desperto.  Ó mesmo tempo ven-me a idéia, de que xa non tinha cura.  Desperto, e encontro-me doente, o cabelo caíndo com determinaçón, e a puntada aguda nos quadrís, a dor inmensa da páxina 71…  E, o 21 de Agosto de 1915, pola hora das 3,30, vín a minha cabeza calva, só con dous peleiros espetados na frente.

manuel calviño souto

oooooooooooooooooooooooooooooo

.

      Sonho, Visón.  O día 25 de Agosto de 1915, fún á Missión que houbo em Mouriscados.  Pola noite sonhei que estaba eu núm sítio que non conhecín,  e vexo vír Isolina e a sua nái. Logo vên-me um pensamento que estaba  a servír (como estaba na Furuda), e a sua nái dixo-me; Bom, trái-a, eu quería traê-la, e logo puxo-se diante de mím, e como que abandonando-nos corría até que desapareceu;  a sua nái dixo que tinha discutido com o Patrón ou non sei com quem.  Decindo-nos, Ilustres Canalhas, que tenho eu com a família desse rapaz.  Ah! Grandes canalhas?  – Dixen eu é por mím, foron-lhe contar mentiras de mím.  Logo, cambeando-se-me os pensamentos, vín que eu iba vestido de loito, com zapatos e em cabelo, e a gorra na mán, subíndo por um caminho costa arriba.  Sonho Realizado.  O día 21 de Outubro de 1915, veio Isolina á Portela e falei um pouco com ela, e quedamos de ir o proximo Domingo, pro Côto do Santo com o gando.  Aproximando-se o dito día, eu fún como de caza, e encontrei Isolina y Carmela, brincando até ás 12, por último dei-lhe um abrazo quase deitado no chán.  Polo qual, quase se realizou o sonho da pag. 67 de três de Novembro, e outros mais análogos, neste día “le loquavi vervas conjugâlis quâ respondetur,  Qua seis â te?”

manuel calviño souto

oooooooooooooooooooooooooooooo

.

.

      Sonho Lisboa.  Sonhei que estaba eu em Lisboa, e passeando por unhas ruas, tivem unha discusón com rapazes que non conhecía, e dêm uns paus num deles.  Despois, vím para baixo e fún ter a um sítio que me pareceu por intuiçón a Praça da Figueira, onde encontréi minha nái vendendo peixe ou cousa parecida, e non sei que mais…   Estaba lamentando-se de ter ído para-lá, e eu non tinha dinheiro para mandála de volta, mas tinha a intuiçón de que ela quería vir.  Perguntei-lhe se lhe chegava o dinheiro, e orientei-a para como había de fazer o viáxe, mas vín-na tán fraca, marchita e desfigurada, como se estivéra morta de oito días, mais que pessoa viva, e entre todas estas voltas, apareceu-me unha intuiçón de Isolina.

manuel calviño souto

oooooooooooooooooooooooooooooo

.

  Sibylla nova em Pontareas.  Desde que cheguei de Lisboa, até á presente data, tivem muitos contratempos,  enfermedades, e misérias físicas –  Ah!  Sabe Deus quando cesarán.   Mas o 15 de Abril de 1916, fún a Pontareas, tendo notícias que había nova sibylla (Barajera), saíndo picardías, doenças, etc…  E, que para as desfazer, tinha que traer-lhe terra de um Cemitério (de um ádro onde enterrasen mortos), um lenço, ou terra do pé dereito da rapariga, um ovo de galinha negra e um pano de mán meu.  Entregar-lhe tudo isto á Sibylla, que requería tamém, que tinha que o por três días ós pés da cama, onde dormira e tomar cuidado que non se rompera, que o ovo había de romper de seu, e tán pronto rompe-se, desfacía-se o encanto…  E a rapariga aparecía a buscarme na minha casa, etc…  Mas, que non podía casar mentras estive-se así…  E aínda que deixa-se a rapariga e busca-se outra, por forza que fixé-se todos os esforzos serían nulos, etc…  Á noite sonhei que iba eu com o seu pái e Isolina diante, mas non se me representou igual.   Minha nái enferma.  O 27 de Abril de 1916, deu-lhe mal a mama, e a doença foi a pior, até que se puxo fraca, seca, lábios morados, denegrídos, cor de negro-encarnado, encendida, vista lânguida esgaceada, quedqndo quase sem movimento.  Se estas sinais duran mais três dias, ela deixaba de existir.  E a mím, vêm-me um aímpo de chorar imenso, movido por impulso da alma, que non podía deixar de chorar.

manuel calviño souto

oooooooooooooooooooooooooooooo

.

  Mesa Adivinhatória.  Dixo-me que tudo era obra de bruxaría, tanta e tamanha, como para nunca mais levantar cabeza.  E aínda porriba, que ma tinham dado a comer.  A mim só ma tinham dado a comer, mas por culpa de amores, para que me tronzara as ideias e a sorte, para que xamais passara daquel sítio.  Remédio: recomendou-me purga de contra-malefício, exorcismos contra malefícios, evanxelhos e bendicións (pag. 82). Sonho:  o 10 de Maio de 1916, de noite sonhei (despois de rezar um exorcismo), que andaba passeando por um caminho e entrei nunha casa onde estaban unhas poucas de mulheres e um home para facerme os Evanxélhos, e ven-me a ideia dos acontecimentos da pag. 54 – 55 (crannêan), que estaba para non participar neles. O home colocado nunha mesa lendo, despois deixou-me quedar solo na cozinha com um pucheiro de carne, eu quentei a carne, e quando el chegou, xa tinha quase a carne toda comida.  Entón, dixo. Xá a comeches?  Debías ter esperado!  Ouvín unha voz por intuiçón, que me dixo:  ¡Era preciso que trouxeras um par de pesinhos, xá que así sem nada! Ambo-los sítios non os conhecín, mas por intuiçón, pareceu-me ser…  Trancoso (pag. 83)…  Adivinhatória.   Obispo na Franqueira:  o 22 de Maio sonhei que estaba no monte de Matamá, sentado com Preciosa do Pachugo falando amorosamente e abrazado, e ela me dixo, mas tú non casas comigo, e eu decindo que sí…    non se derramou por mim o leite dos…   Sonhei, que minha nái estaba doente e que tinha a criada velha (Ganeca), polo día 12 de Xunho de 1916, fún á Franqueira, onde estaba o Obispo, e tivem por notícia certa que Pra. andaba prenhada, xa o tinha sabído um tempo antes.  O 24 de Xunho de 1916, fún ás vispras ó Crasto e comecei a falar com Rª de Uma (criada da Perixa)…

manuel calviño souto

oooooooooooooooooooooooooooooo

.

        Sibylla: o día 3 de Xúlio de 1936, fún a Trancoso e vinhem por Queimadelos (Sra. Trsa.).  De noite, tivem o seguinte sonho:  sonhei que estaba na xanela, e estaba vendo o Senhor Caetano debaixo das fruiteiras de dentro do eido, parecia que algo percebín, Perfeuta sua filha, e ó momento o pensamento inclinou-se-me vivamente  para Rsa. de Uma…   Pois, sería sonho suxerído porque a Sibylla, me tinha profectizado que saía um home casado. E por que non me casaba? Pois aparecían unha rapariga ou duas comigo:  tenho que indagar bem esta leçón.  Accidentes, o 25 de Xúlio de 1916: neste día fún à festa de Guillade (mal vestido),  chamei a Isolina do Caetano a bailar, e xuntamente com ela saíu outra equivocadamente, e despois houbo porfía e Isolina cedeu (sinal de bruxedo), indagar bem este libro, que a segunda parte non me ocuparéi de sonhos, tais sarilhos tenhem bruxaría, tal o miraba eu así esse día.  Sonho Fantástico:  o 17 de Agosto de 1916, comecei a serrar com Francisco Iglesias, e dixo-me que de noite tinha sonhado que  estaba com unha pouca de xente, e que pelexára com um home que lhe parecera ser eu.  Eu, aquela noite sonhára, mas, esquecera-se-me lentamente, e sei que non sonhei com o motrete, nem em pelexeiras. Mas, no mesmo día pola tarde, pelexamos os dous, habendo golpes mortais, porque el era de mala índole.  Insolina Ultimas Definicçóns: non assistín ningúm día á Santa Missón, que se celebrou em Sto. Lourenzo. somente o último día 6 de Septembro de 1916, pensando vir con … (vexa-se arriba pág. 85).   E a Divina Providencia, mudando as cousas e pondo a prova os mortais. Vinhem só até ó Pinheiral de Guillade, e desde alí com a dita Isolina, até à sua casa, com um diálogo de amor puro, e en este intervalo falei-lhe tudo o que o meu corazón sentía.  Ò chegar ó seu portal, saíu o pai e voltou prá casa, estando eu e ela um pouco mais (Loquaví ectiam Vellem mecum conjunctionen, atque respondetur dicitur ne itá necne, vel haud), eu como me mostrei porfiado, impertinente, aproveitando-me das palabras, dando-lhe unha certa coherência, do xesto e do sembrante, tudo o que puiden aproveitar, e que significa o tudo na oraçón “ez necne haud.”

manuel calviño souto

oooooooooooooooooooooooooooooo

.

               Filosofía Spiritista:  J. M. R., estudando a filosofía espiritista em 1916, por meio do qual vinhem a resolver um par de problemas que sería impossíbel que os resolvera.  Como ciências, riquezas, almas, maxía, etc.  Pérdida de amor: o 27 de Septembro de 1916, andaba eu para José Fernandez a fazer um coberto.  À noite vêm Isolina chamar por mim para fazer unha carta, e berreguei com ela (por entender que non lograba os meus plans), despedín-me dos seus pais, com malo sembrante, e dixem que non iba mais alá.  De noite tivem um sonho: que estaba eu em Matamá, e vín passar a Isolina de lonxe, alá por Ponte, e vên-me um pensamento vivíssimo, decindo: é muito nova; e non se me representou idêntica, corpo mais pequeno, e mais feia.  Definiçóns:  o biográfico que subscribe, dá fé da 1ª infancia toda cheia de conturbaçóns e de misérias físicas, de pensamento moderado para a razón, tendo no seu corpo unha máquina agressiba que destruía nas entranhas as penas, aplacando a ira, pela sua natureza xovial.  Sostivem unha grande luta contra as inclinaçóns, desvíos, e contra seus enemigos vissíbeis,  tivo um grandíssimo combate contra as potestades infernais e, defendendo a sua vida privada com exorcismos, oraçóns, ma mais perfeita léi do Divino Criador.  Sendo a sua vida  de amor privada, por mala fé de xentes supersticiosas, e tendo medo ás consequências dos efeitos máxicos.  Sostivem, unha grande luta contra a maxía, valendo-me de exorcismos, oraçóns e xexúns rigorosos, na mais perfeita fé de Dios Nuestro Senhor Jesucristo, e com dúvida chegou ó dia presente, que subscribe e dá fé do dito neste libro, como verdade sagrada.      (Manuel Rodriguez)

manuel calviño souto

oooooooooooooooooooooooooooooo

.

    História da Maxía (copia abreviada)

               A maxía, que também pode ser considerada a seleçón das superstiçóns populares, variando de racionalidade, e por decir así como a fonte das relixións, e da história dos povos.  Quanto menos culto é um povo, tanto maior influênça exerce sobre el, o maravilhoso, o misticismo, as superstiçóns e o sobre-natural.  Entre povos selvaxens, que todavía hoxe abundam na América, África, Oceanía, o feiticeiro da tribu é o sacerdote do seu culto e o médico.  Pode-se observar a influênça que estes exercen; influênça tan poderosa e importante, que estes chefes das tribus tenhem que respeitá-la (disimuladamente), para non perxudicar a sua popularidade…    para se manteren no poder Supremo.  Entre muitos destes povos, o chefe efectivo é o Sacerdote ou Feiticeiro, mas se o chefe pretendera oporse ás determinaçóns tradicionais, podería ser inmediatamente deposto, para non atrair sobre a tribu, a malquerência dos espíritos maléficos, que obedecíam ao feiticeiro.  A feitiçaría ou maxía, estaba de tal maneira inoculada nos usos e costumes dos povos antigos, que por exemplo na história dos Xudeos, encontramos rexistados factos de maxía plural, tal como a conversón da vara em serpente, realizada por Moisés na presença do Faraón, para instar a liberdade dos filhos de Israel.  E de outros prodíxios realizados por essa ocasión, Quer por el, que estaba protexido por Deus, quer por outros Sacerdotes inspirados polos malos Espíritos, segundo os textos Biblicos.  E a causa disto, sempre quedaba o povo vencido.

manuel calviño souto

oooooooooooooooooooooooooooooo

.

       A maxía tivo tan longo desenvolvimento em certas épocas, que o spírito relixioso atribuíu-lhe logo foros de Sciência e poder maléfico, e propuxo-se perseguila tenazmente, condenando ó suplício do fogo, aqueles convíctos de fazerem sortiléxios, e de tal maneira se acendeu esta luta entre os sacerdotes, de unha relixión que debería ser culta, contra os fantásticos enemigos de Dios e confidentes de Satanás.  Que, chegou a encher muitas páxinas da história e episódios dos povos mais ilustrados, como son Inglaterra e Frânça.  Tal foi a célebre “puccelle de Orleans” (Joanna D’Arc), a pobre fanática do amor e da glória, recentemente beatificada e consagrada polo Papa.  Bem conhecida é, a famosa história da doncella de Orleans, unha pobre pastora que se xulgou inspirada por Deus para expulsar os Ingleses de França, restituíndo o trono ó xovem rei Carlos.  A sinceridade da sua crênça, o seu santo entusiasmo por unha causa xusta, fanatizaron os xefes e alentaron os soldados desmoralizados, nunca deixou de influír a meiga heroína. Abandonando o seu verxel e o seu rebanho, para cinxir o saial e o arnéz, e engrossar o exército de Frânça, na senda da glória e do triumfo.  Nón tardou em divulgar-se a notícia por toda a Frânça, e o povo entusiasmado polo exemplo da heroína, creu que o Spírito divino a inspiraba e seres sobrenaturais a acompanhavam, por isso o exército medrou e os guerreiros lutabam com a convicçón de que non podíam ser vencidos, e os Ingleses seríam expulsos de território francês.  Mas, estes,  levarom consigo prisioneira a doncella, à qual acusaron de feiticeira, e a queimaron viva nunha praza pública.  Quedando  notábel a malvadéz com que a abandonaron, aqueles cuxo trono ela salvara polo seu prestíxio.

manuel calviño souto

oooooooooooooooooooooooooooooo

AS MEMÓRIAS DE MANUEL DA CANLE (69)

oooooooooooooooooooooooooooooo

.

    Ó afirmar o que deixamos dito, existen por exemplo os métodos de cura consignados no Thalámud, envoltos com as teorías da Anxeoloxía, e da Demonoloxía, etc…  Na antiga Grécia onde a Sciênça e a Ilustraçón do Spírito humano se elevou a asombrosas proporçóns, os magos e os feiticeiros atinxirón tán elevada consideraçón e tán nefásta importância.  Heráclito um dos sábios da antiguidade, que se ocupou do Sibylismo, a maxía professada por mulheres chamadas Sibylas, sacerdotisas, Pytonisas dos Deuses do Paganismo, refere-se ás suas adivinhaçóns, filtros e encantamentos.  Assím como Augures, Sacerdotes de outras divindades, que fornecíam a peso de ouro, filtros, ungüentos, polvos e breváxes, ás damas athenienses, com propriedades de fazer amor, ou de aborrecê-lo, e até de as tornar fecundas, ou impedir os homes de enxendrar e as mulheres de conceber.  Em Roma todavía tivo maior desenvolvimento a maxía ou feitiçaría, sendo unha das profisóns de maior renda naqueles tempos.  O grande Chronista do Império Romano, Tácito, considera as feiticeiras, bruxos e adivinhos um verdadeiro flaxêlo. E até os próprios Imperadores, o famoso César, que asombrou a posteridade, uns com a grandeza do seu ánimo, outros com a monstruosidade dos seus vícios e dos seus crímes.  Esses mesmos que como Nerón, intentaba incendiar unha cidade, para gozar do maxestuoso espectáculo.  Aqueles que tremíam de medo, diante das ameazas dos seus feiticeiros e adivinhos, e pagabam alto tributo ás mulheres que professabam as artes máxicas.  Despois de Roma, passa-se ó poder dos Papas, e non esmoreceu a confiança nos segredos da maxía, e no poder dos Sortiléxios, apesar da guerra que moveron os Sacerdotes Cristáns, que também se serviriam dela como instrumento político, a ponto de os Pontífices Silvestre II e Benedicto IX, seren acusados de exercer a feitiçaría e manter íntimas relaçóns com as potestades infernais.  Que a maxía entretinha  as atençóns no Mundo Cristán, da mesma forma que fora muito considerada durante o Paganismo, o confirma um Breve do Papa Inocêncio VIII, que acusa os magos da época de impedirem os homes de enxendrar e as mulheres de conceber.

manuel calviño souto

ooooooooooooooooooooooooooooo

.

  Nas Chrônicas de España vêm a narrativa dos Sortiléxios, ordenados pola célebre concubina de Pedro o Crú, María Padilha, para impedir que a rainha desse á luz, estando com as dores de parto.  A História de todas as naçóns, rexistra outros factos de idêntica natureza, quer dicer, que afirma o poder da maxía.  Foi na Grécia, onde as mulheres, segundo a história, se dedicaron ás artes maxícas.  Notábeis forom as célebres “Pitonisas”, conhecidas polos nomes das terras ou das rexións onde se labrabam os seus mistérios, sendo citadas por Heráclito e outros escritores gregos.  A Sibyla de Cumas, unha das mais notábeis, a de Delphos, a da Ilha de Samos, a de Eritrea. etc…  Da forma como os escritores as reférem, podê-se supor que todas estas sacerdotisas, non passavam de unha figura arcáica, xá que para que o que contam as Chrônicas, fosse verdade, a famosa Pytia, necessáriamente tería que ter vivído durante séculos.  O que se debe ter por mais certo, é que, em cada unha daquelas cidades, había unha sacerdotisa notábel polos seus sortiléxios e, por feitos atribuídos à maxía.  Na História da maxía, figuram outros singulares, que ela non refutou, nos seus rexistros. Entre eles, um dos mais notábeis foi o sábio Mérlin, filho de unha sacerdotisa Gaulesa, que logrou salvar a vida, atribuíndo a sua fecundaçón ós Deuses ( porque a pérda da virxindade entre os Druídas, era sempre punída com a morte das Druidêssas profanadas).  O filho dos Deuses, representou um papel importante na invasón da Caledônia polos Saxóns, chamando o povo ó combate com os seus cânticos exaltados, que lhe déron unha celebridade e um prestíxio, invocando a protecçón dos Spíritos Celestes.

manuel calviño souto

ooooooooooooooooooooooooooooo

.

    É até certo ponto um equívoco ou faltar á verdade, dizer que a confiança nas artes máxicas é incompatíbel com a instrucçón, e que só aos feiticeiros convêm os tempos de ignorância e obscurantismo.  A corte e o século de Luis XIV foron dos mais brilhantes e luminosos, as artes e as ciências atinxiron um gráu de prestíxio elevadíssimo, e os gloriosos nomes de Bossuet, Fenelón, Raccine, Corneille, Pascal e outros, passaron à posteridade, e ainda hoxe non foron eclipsados.  Todavía, à par deles, brilhou em Versailles o cérebre Conde de San Germano, enígma vivo, também denominado o feiticeiro da corte, e que realmente era personaxem doctado de numerosos e profundos conhecimentos científicos, pois conseguíu facer-se acreditar, num meio considerado o mais ilustre e o mais sábio do século XVII.  Mais tarde, e doutra ordem, aparece o personáxe histórico José Balsamo, Conde de Cagliostro, que representou um papel notabilíssimo na Côrte de Luís XVI, e que se decía inmortal, polo poder do célebre “elixir da vida”.   Pois como se mira, a maxía, a feitiçaría e as ciências ocultas, entre as quais: predecir o futuro, fazer horóscopos, vaticínios, preparar filtros, deitar as sôrtes, as boas ventúras, inspirar amores e acabar com eles.   É unha ciência, ou unha arte, tán velha como o mundo, ou polo menos, como a humanidade, desde que há notícia escrita déla.  As maravilhas que todavía hoxe opéra, podêm considerar-se, frutos de unha arte que aínda non está  divulgada, mas, que alcançou noutros tempos quase toda a ciência humana.   Derivando da antiga maxía: a medicina moderna, a astronomía, as matemáticas, a química, e grande número de noçóns de física.  Non há razón plaussíbel para negar que  éssa ciência, hoxe menos influênte e preponderante, possua segredos de valor, que todavía non lhe foron arrincados e por isso repousam no mistério.

manuel calviño souto

ooooooooooooooooooooooooooooo

.

    Orixem do Cristianismo.  A Humanidade non sempre foi como actualmente a vêmos, xá se sabe com certidûme científica, que o home levou unha existência semelhante à dos animais.  A miséria física dos homes primitivos que vivian nas cavernas, despidos e errantes, sem mais abrigo que as covas feitas à mán, sem mais ferramentas que as pedras arrincadas do chán.  Arrastou durante muitos  séculos unha vida miserábel, até que à custa de lutas e esforzos infinitos a conseguiu modificar.  Os primeiros homes passabam a vida ó ar libre, recebendo as impresóns directas da Natureza: chúvia, vento, tempestades, furacóns, trevoádas, neve, relâmpagos, etc…  A apariçón e desapariçón regular do Sol, com a sua alternativa de luz e sombras, inspiraba sentimentos de alegría ou terror.  Vendo-o marchar sobre as suas cabezas, sem poder alcanzá-lo nem dominá-lo, críam-no animado como eles, e dotado de condiçóns superiores,  pelo que lhe implorabam para pedir a sua luz e o seu lume: chamabam-lhe o “brilhante” (em Sânscrito Dewa), do qual derivou  Deus.  Como traía com a sua luz a vida, classificarom-no de Bom, por oposiçón às tébras que eram malas.  Razoamênto, que volta a encontrar-se no Xúpiter Boníssimo dos gregos, e a Bona Dêa dos latinos, e o bom Deus dos modernos.

manuel calviño souto

ooooooooooooooooooooooooooooo

.

     O primeiro culto dos humanos foi o do Sol.  Este culto natural e racional, posto que se corresponde com a realidade das cousas, formou a base de quase todas as relixións.  Até entón, os homes comíam os alimentos tal como os daba a natureza.  Muitos séculos mais tarde, foi inventado o fogo, com o frote de dous pedazos de madeira em forma de crúz, invento tán maravilhoso e sinxélo.  Que foi a orixém da industria e das artes, e da civilizaçón.  Com el, prepara a cocçón dos alimentos, durante a noite espanta as féras, os fríos, e fabrica as ferramentas e as louzas, as armas para conquistar o mundo; a este descubrimento, pode asegurar-se que debe a sua salvaçón.  Para a humanidade, houbo um invento, de tamanha importância, que, profunda e permanentemente a impresionou durante séculos, e que venerou como um mistério, o sinal da “Crúz”.  Durante muitos séculos se fixo o lume désta forma, que naqueles tempos se chamaba “Suwastika”, e que representarón baixo muitas formas, segundo as diferentes naçóns:

.

               Logo, surxiron as guerras e as lutas, e por último inventaron a figura do Sol com a Suwastika no centro. Três mil anos antes da nossa era, había homes que ó mesmo tempo, eram Philósofos, Sacerdotes, e Sábios, os quais presentíron por assím dizer, o fenómeno da acumulaçón do calor solar nas prantas (ó cabo de um tempo, a ciência habería de por de manifesto este fenómeno), estabelecendo que o fogo non era mais que o desprendimento a certa temperatura, e baixo o efeito do ar, do calor solar, acumulado nas prantas em estado potêncial.  O Sol, sustenta a vida dos animais, directamente através dos seus raios, e indirectamente polos alimentos que absorbem, cuxa combustón se efectua pelo aire que respiram.  Segue-se disto que  o Sol, é a “Pedra de Fogo”.  Que o fogo é consubstâncial a el, e que é enxendrado polo sopro do aire.  Por último, o fogo provém do “Pai Eterno” (Sol).  Savistri, volta ó Céu, em forma de fumo (invissíbel).  Tal é a explicaçón do carácter da acçón de cada um destes elementos.  O Sol, Fogo, Aire.  Personificados, baixo os nomes imaxinários de Sawistri, Vayu, Agní.

manuel calviño souto

ooooooooooooooooooooooooooooo

.

           Os libros dos Vedas, presentam baixo unha alegoría, Agní (o fogo) é o filho encarnado de Sawistri.  O Sol (Sawistri) padre eterno, o filho foi concebido e dado à luz pola Virxem Maya, e têm como pai terrestre a Tewasti, o carpinteiro que fabrica a Suwastika, na cavidade do madeiro chamado madre, onde reside a Divina Maya, personificaçón da potência.  Foi concebido pola operaçón de Vayu (o aire), o sopro do  Spírito Santo, sem o qual o fogo non pode acender-se.  É interesante a comparaçón deste mito, com o credo adoptado polas Igrexas Romanas: Creo em Deus Pai todo poderoso (Sawistri) criador do Céu e da Terra; e em Xesus Cristo seu único filho; luz de luz (Agní), que non foi criado senón enxendrado consubstancial ó Pai, que baixou do Céu; sendo concebido, e nasceu no seio da Virxem María (Maya), por obra do Spírito Santo, e que despois da sua morte subíu ó Céu.  Creo no Spírito Santo (Vayu) que reanima a vida e que procede do Pai e do Filho, que é adorado e glorificado com o Pai e o Filho.  A identidade é admirábel, somente mudam os nomes, e aínda que os nomes sexan diferentes non por isso deixan de expressar exactamente o mesmo.  Pouco importa que a palabra Deus que substituíu a Sawistri, tenha um sentido abstracto, senón que non significa outra cousa que o expressado no seu sentido orixinal, a raíz de Dewa (o brilhante).  O  fogo nasce entón sobre unha colina, polo frote da Suwastika, afirma um himno védico. “¡Oh Agní!  Fogo sagrado, fogo purificador, tu que dormes no bosque, que te elevas na chama brilhante; tu és a chispa divina, oculta em toda cousa e na alma gloriosa do Sol…  Quando brota a primeira chispa da cavidade em que vive a divina Maya, cumpre-se a Natividade; essa chispa vivente chama-se o Filho.  O Veda celebra em himnos de poesía deliciosa o nascimento da terna e divina criatura acabada de aparecer.  Os antigos adorabam ós Corpos Celestes e todas as suas relixións están fundadas nesta base.  Plutarco escribíu:  No meio de todos os Astros roda o Sol, dominando pelo seu poder e grandeza, gobernando non somente a nossas estaçóns e os nossos climas, senón também ós Astros e ós mesmos Céus; el é a vida, ou melhor a alma do mundo enteiro, o princípio regulador, a principal divindade da Natureza.  O César Juliano, discípulo dos noeplatónicos, expressaba o desexo de voltar despois da sua morte o seio do Deus Sol.  Decía el: “Poida o Sol, quando a hora fatal me sexa chegada, conceder-me um fácil accéso a perto de sí, e a ser possíbel unha estância eterna com el”. Escribíu:  “Eu creo pola fé dos sábios, que o Pai comum dos homes é o Sol”.  Tal era a crença ordinária  das postrimerías do Paganismo.

manuel calviño souto

OOOOOOOOOOOOOOOOOOOOOOOOOOOOO

.

                 HIMNOS QUE TRIBUTABAM

               As invocaçóns eram diferentes, unhas ó Sol Levante e outras ó Sol Poênte.  Nos hipoxeos reais (tumbas) de Tébas, vê-se o Deus Solar ó amanhecer, no momento em que surxe de Oriente e é saudado pelos outros  Deuses, nestes termos:  “Tu, que nasces de teu próprio nascimento, e que és o ser perfeito dono do Céu, que o firmamento sexa a tua alma, e a terra o teu corpo. Tu, és o dono da perfeiçón, que navegas no horizonte”   Nas cerimónias fúnebres, dirixía-se-lhe ésta pregária em nome dos mortos:  “¡Oh Sol! Dono de todas as cousas, e vós todos os outros Deuses que dais a vida ós homes, recibide-me e fazei que sexa admitido na sociedade dos Deuses Eternos”   Em Nova Caledónia, para esconxurar o mal tempo orabam:  “¡Oh Sol! O que fago é para que sexas tán ardente, que consumas as nubes que están no Céu”.   Num himno ó Sol, atopado nas inscripçóns Caldeias de mais de dous mil anos lê-se:  “¡Oh tu, que disipas as mentiras, tu que desfás as malas influênças dos prodíxios, dos prognósticos sinistros, dos sonhos, e das malas apariçóns;  tu, que desconcertas o complot dos malos, que levas à perdiçón os homes e os povos, que se entregam ós sortiléxios e ós malefícios.  Sostêm a minha mán, sostêm a luz do universo, Sol!”   “Sol, tu brilhas no mais profundo dos Céus, tu descorres as trancas que pecham os altos Céus; tu abres a porta do Céu; – Sol, que voltas a tua face cara à superfície da terra;  – Sol, tu estendes sobre a Terra, a maneira de coberta os Céus infinitos”.  Nos Psalmos, o Sol dispersa as tébras por ordem da Luz, personificada em Jeová:  “¡Oh fogo, supremo senhor que te elevas sobre a Terra; pola tua chama chispeânte alumías a mansón das tébras, e fixas um destino a todos os que levam um nome –  Tu, és aquel que mistura o cobre com o estanho e o que enche de terror o peito do malvado durante a noite.”

manuel calviño souto

ooooooooooooooooooooooooooooo

.

     Os ademáns e ceremónias que acompanham às oraçóns, forom tomadas do paganismo e do budismo.  O Pater:  “Eu vos rogo e glorifico a vossa grandeza, Senhor dos Senhores, rei elevado sobre todos os réis;  Criador que dais às criaturas o sustento necessário de cada día.  Deus grande e forte, que sois desde o princípio; Deus misericordioso, liberal, cheio de caridade, que nutrídes, manténdes e conservais;  que o vosso reino permaneza sem câmbio.  Arrependo-me dos meus pecados; renuncío a todo mal pensamento, a toda mala palabra, a toda mala acçón”.   Confessón:  “Arrependo-me dos meus pecados, renuncío a eles;  renuncío a todo mal pensamento, palabra mala, e mala acçón.  Fago ésta confessón diante de vós, que sois puros.  ¡Oh Deus, tende piedade do meu corpo, da minha alma, neste mundo e no outro.”   Credo:  “¡Oh Deus, Xuíz grande, excelente, arrependo-me dos meus pecados; Acredito em Deus e na sua lei;  Acredito que a minha alma subirá ó Céu;  que o inferno se colmará à resurreiçón; que os demónios de Ahrimam serán aniquilados.”   Foron tomadas do mazdeísmo, e éstas à sua véz das doutrinas Védicas.  Continuando vivo o Olimpo pagán, non quedou mais remédio que reconhecer a existência de Deuses e Deusas, e de introducí-los no panteón Cristán.  Non obstânte, foron recibidos segundo os seus atributos, e a sua natureza, e também o seu carácter e destino diferente.  Uns, como Xúpiter, Marte, Xano, Diana, Neptuno, Minerva e Mercurio, foron qualificados de demónios, e mandados ó inferno.  Outros, considerados como benfeitores forom chamados Santos, e albergados no Céu.  No Século VII Santo Eloy, nunha instrucçón pastoral, anatematiza a invocaçón ós demónios como:  Neptuno, Diana, Minerva e ós Xénios.  Prohibe às mulheres, levar ó pescozo saquinhos, e invocar a Minerva e outros Spíritos malos.  No Século VI,  Santo Cray converssaba com o xénio das montanhas, e também com o das áugas, a quêm exorcizaba como a demónios.   Gregório de Tours, fai que Clotilde pergunte a Clóvis, a quêm ela quer convertir  ¿Que poidéron fazer Marte e Mercúrio?, pois o seu poder era mais unha arte máxica que um poder Divino.

manuel calviño souto

ooooooooooooooooooooooooooooooooo

.

                        CULTO MEDICINAL

               Os deuses curandeiros, proporcionaron um notábel continxente ó novo panteón.  Os antigos acreditabam na realidade dos sonhos:  a funçón do sonho, a sombra adaptada a todo corpo, suxeríu-lhe a ideia dos Spíritos, e da alma, e deu nascimento assimesmo à metafísica.  O sonho provocado, foi um dos mais importantes descubrimentos da medicina antiga, era practicado nos templos de Esculápio, dos mais famosos e numerosos de toda a Grécia.  Os templos de Esculápio, à par dos consagrados a Serápis, Minerva médica, a Chalcaz, a Podalgro filho de Esculápio, e a outras divindades médicas, teríam por anexo um hospital.  No que, os que visitabam o lugar, eram consultados e submetidos a um rexíme especial – os doentes eram preparados para a curaçón, com um ritual determinado e unha dieta severa de quinze días; banhos simples ou termais, fricçóns, uncidos e fumigados.  Como complemento estaba a suxestón, provocada polo anúncio repetido de curas milagrosas; a música, os cheiros de flores e de perfumes.  Despois, quando os doentes estabam preparados, o sacerdote ordenaba o sonho com ademáns solemnes, e a imposiçón de mans, abrindo a porta do mundo suxestivo.  Afirmaba Galenno: “Neste momento, o sacerdote mandaba como um xeneral ós seus soldados, e as curas eram frequêntes.  É certo,  que os médicos axudabam a divindade, para que se non enganara nas consultas suxeridas durante o sonho dos clientes, e que estas non tinham de sobrenatural mais que as aparências.  Os antigos asignabam a certas divindades o poder de curar doênças específicas. Invocando a Apolo contra a peste; e a Hércules contra a epilépsia; a Igrexa Romana invocaba a Santo Roque contra a peste, e a Santo Valentín contra a epilépsia; Diana deusa da caza, curaba a ráiba dos cáns.  A costume de dormir nos templos, para provocar sonhos susceptíveis de ser interpretados era xeral na antiguidade.

manuel calviño souto

ooooooooooooooooooooooooooooooooo

.

                            AS PEDRAS

               O mesmo método foi aplicado ó culto das pedras.  Os gregos comezárom pola litolatría.  Antes de se dedicar à veneraçón das estátuas, que representábam os seus deuses, adorárom as pedras, cuxas formas misteriosas e xeométricas, oferecía a natureza; outras caídas do Céu, eram enviadas pelos Deuses.  Despois de tentarem em ván, destruir éstas superstiçóns, tomarom o partido de incorporálas òs novos cultos.  Apesar das variádas transformaçóns, as crênças antigas subsistírom baixo a forma de novas palabras, assím as virtudes terapêuticas atribuídas a pedras furadas, aínda non desapareceu do todo.  Em Kerongalet (Finisterre) introducem-se os membros doentes nunha pedra-furada.  No Jonne e em Drache (Jndre et Loire) um menhir ou pedra-furada, fái este ofício, etc…  Por Santo Xoán e no Natal, som alumiádas por velas.  No páramo do Santo Simeón (Orne) há um dolmém com pedras-furadas, por onde passam os enfermos para que curem.  Existem pedras semelhantes no Morbiham, por cuxas aberturas se fán passar homes e animais doentes, a fím de obter a sua curaçón.  É, este um pequeno resume histórico sacado do libro (Orixém do Cristianismo) por R. Calviño, baixo a direcçón das escolas laicas, polo Ilústre Ferrer Guardia.  Barcelona, rua de Bailen nº 56, 1906.

manuel calviño Souto

ooooooooooooooooooooooooooooooooo

.

       ALMAS DO OUTRO MUNDO

               Santo Lactâncio, Santo Basílio e Santo Ambrósio, eram da opinión de que a alma, a mais sublíme criaçón de Deus, non pode vagar neste mundo, senón dentro de um corpo vivo; morto o corpo, a alma como fluído invissíbel, baixa òs confins do inferno, ou eleva-se às rexións celestes, sempre segundo um merecimento.  Santo Agostinho, escrebéu “Nec tamen in us fierii menten bestialen sed ractionalen humana, etc…”   Mas, cré-se, que as almas pecadoras andan errantes e se metem noutros corpos vivos, até obterem o perdón de Deus, como afirmabam Plinio e outros sábios gregos.  No tempo em que había fé e temor de Deus, estes feitos, eram muito frequêntes, e aparecíam às vezes pessoas doentes, que practicabam actos contra a sua vontade, tendo desmaios, atáques de nervos, rasgábam-se e practicabam mil disparates.  Estes padecentes, que o povo afirmaba terem ò demónio no corpo, eram víctimas dos pecados alheios; pois dentro do seu corpo tinham outra alma ademais da sua, e esa alma que había de ser dum pecador conhecido, lhe causaba os maiores incómodos, mentras non conseguira a benevolência de Deus, para poder entrar no purgatório ou no paraíso.  Nesses bons tempos había Conventus, e neles había frailes sábios, que com os seus exorcismos, faciam sair o Spírito errante do corpo onde tinha tomado abrigo, quedando a pessoa libre de tán cruel companhía.  Hoxe, non se acredita sequera na existência da alma, e nos poucos conventos que quedam, está prohibído curar éstas enfermidades sobrenaturais.  Por isso tanta xente sofre e morre, podendo ter-se salvado.  Santo Athanásio afirma que as almas dos simples pecadores, non fán nem bem nem mal; mas as almas dos grandes criminais e dos malvados, son uns Spíritus malígnos, fán os seus sábados, e atacam com preferência as … non… deixando descansar, e atacan as bodegas estragando o vinho, molestando a xente e a todo animal vivo.

manuel calviño souto

ooooooooooooooooooooooooooooooooo

.

   ESPÍRITOS APOUQUENTADORES

               A alma é um fluido que evolucciona no espaço, e entra nos corpos extranhos quase imperceptibelmente, confundindo-se com a outra alma alí existente, e obriga a pessoa que a recebe no seu corpo a um sofrimento horribel, e a practicar disparates e desatinos.  Esta é a opinión do finado philósopho  Rosalino Cándido e do notábel espiritista Conselheiro Accacio.  Conforme é a pretensón do espírito extraviado despois do túmulo, assím serán os seus efeitos.  As pessoas que tenham recibido a alma de um pecador impenitente, vivirám na tristeza, desexarám a morte, terám enfermedades e achaques, solidón, ansiedades, tonturas, ganas de chorar e por vezes cairám no chán com accidentes e dores de cabeza.  As almas dos indivíduos menos pecadores, produzirám outros efeitos; a pessoa que as reciba no seu corpo, rí-se sem saber por qué, têm sonhos axitados e desexos deshonestos, tintilaçóns no corpo, vertíxens, mirada esgazeada, perturbaçóns nervosas, caíndo na postraçón despois dos ataques violentos.  A pessoa pode morrer, se non se curar a tempo.  Son precisos os exorcismos em latím, sete cruzes feitas no corpo com água bendita da pía de baptismo; fumigaçóns polas costas com ortigas verdes e perfumadas com incenso, rezando o Credo sete vezes. Pois,  non querendo a alma saír e deixar o corpo do enfermo, aplica-se-lhe unha excomunhón feita com arrogância e fustíga-se o corpo com unha correia de couro de touro negro, e ainda que pareça mentira, terminará-se o sufrimento.

manuel calviño souto

ooooooooooooooooooooooooooooo

AS MEMÓRIAS DE MANUEL DA CANLE (82)

ooooooooooooooooooooooooooooo

CREDO DO TRABALHADOR (83)

Acredito no trabalho todopoderoso, transformador da Terra. E na Ciência, que foi concebida polo estudo e o sonho dos homes, e também pola intelixência. Padeceu baixo o poder tiránico, sendo escarnecida e maltratada, e baixou ó fundo das minas, resuscitando de entre os escombros do rexíme Capitalista. E desde alí, desde o sistema Socialista, onde terá um trono. Xulgará a História desde os seus inícios, até aos nossos tempos. Acredito, no Socialismo Científico e Revolucionário, na Santa Unión, que dá a força à Sociedade, para resistir com a colaboraçón e a Solidariedade Humanas.

MANUEL CALVIÑO SOUTO

OOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (84)

OOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (85)

OOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (86)

OOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (87)

OOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (88)

OOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (89)

OOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (90)

OOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (91)

OOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (92)

OOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (93)

OOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (94)

OOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (95)

OOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (96)

OOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (97)

OOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (98)

OOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (99)

OOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (100)

OOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (101)

OOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (102)

OOOOOOOOOOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (103)

OOOOOOOOOOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (104)

OOOOOOOOOOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (105)

OOOOOOOOOOOOOOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (106)

OOOOOOOOOOOOOOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (107)

OOOOOOOOOOOOOOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (108)

OOOOOOOOOOOOOOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (109)

OOOOOOOOOOOOOOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (11O)

OOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (111)

OOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (112)

OOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOO

OOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (114)

OOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (115)

OOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (116)

OOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (117)

OOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (118)

OOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (119)

OOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (120)

OOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (121)

OOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (122)

OOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOO

AS MEMÓRIAS DE MANUEL DA CANLE (123)

OOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOO

.

MARCO DE SANTA LEOCADIA, FRONTEIRA ENTRE GUILLADE E OLIVEIRA.

               Este é um marco secundário, o do Convento de Santa Leocádia, que debería estár en linha com Bigotes e Portela, e que parece que lhe deron a volta, pois a 0 está virada pra Guillade e a G está cara a Oliveira.

oooooooooooooooooooooooooooooo

AS MEMÓRIAS DE MANUEL DA CANLE (124)

Publicado o08/01/2023por fontedopazo | Deixar un comentario

¿¿E OS MEUS MALES, QUEM OS CURA??

Quem me causa esta dor?

O Amor!

Quem a minha glória despreza?

A Fortuna!

Quem a minha pena consente?

O Céu!

.

Desta maneira recêlo,

morrer deste meu mal extranho.

Amor, Fortuna e Céu!

.

Quem melhorará a minha sorte?

A Morte!

Ao bem de amor, quem alcanza?

A Mudança!

E os meus males, quem os cura?

A Loucura!

.

Desta maneira será cordura,

querer curar a paixón?

Quando os remédios som,

a Morte, a Mudança e a Loucura!

.

Santa amizade, que com lixeiras asas,

aparentas arrastarte polo chán,

entre as benditas almas do céu,

subirás alegre às celestes salas!

MANUEL CALVIÑO SOUTO

MANUEL CALVIÑO SOUTO

AS MEMÓRIAS DE MANUEL DA CANLE (125)

Publicado o14/03/2023por fontedopazo | Deixar un comentario

¡¡OH AMIZADE!!

Desde alá, quando queres nos sinálas,

ó xusta paz, coberta com um véu.

Por quem às vezes, se trasluce o céu,

de boas obras, que no fundo forom malas.

.

Deixa o Céu. ¡¡Oh Amizade!! Non o permitas,

que o engano se vista com a sua librea,

com que destruia a intençón sincera.

Que se as tuas aparências non lhe gustan,

presto há de verse o mundo na pelea,

da discorde confusón primeira.

MANUEL CALVIÑO SOUTO

…

AS MEMÓRIAS DE MANUEL DA CANLE (126)

Publicado o17/05/2023por fontedopazo | Deixar un comentario

¡¡Ái Dios!!

É possíbel, que tenha xá falado, no lugar que poida servir de escondida sepultura à pesada carga deste corpo.

Que tán contra a minha vontade sostenho.

Se a solidón, que prometem estas serras, non me mente.

¡¡Ái desditádas!! Quán mais agradábel companhia forom estes riscos e malezas à minha tençón.

Pois me darám lugar, para que com queixas, comunique a minha desgraça ao Céu.

Que a ningúm ser humano!

Pois, non há ninguém nésta terra, de quem se poida esperar conselho!

Na dúvida, busco alívio nas queixas, e remédio para os meus males.

MANUEL CALVIÑO SOUTO

…

AS MEMÓRIAS DE MANUEL DA CANLE (127)

Publicado o18/07/2023por fontedopazo | Deixar un comentario

O mal de quem a causa non se sabe, milágre é acertar na medicina. Don Quixote, dixo isto. Concebido da pena de amor, etc… Os seus amores forom: Dorotea, Lucinda, Anxélica, Dulcinea del Toboso. Xunto à porta, o dia quatro de Xulho de 1920. Domingo, em que estívem com María Rosa da Costa, na sua casa, xá algo diferente. E, polas expressóns que me deu, o amor estaba totalmente disminuído. Quase se pode dizer, que agora só existía um recordo. E, era ou non, unha aparente inclinaçón de bondade. Lembro-me, que antes do dia quatro, no lugar da Minada da Portela, falei com ela, e na sua maneira de quadrar dixo, que me había de botar dalí a baixo (entenda-se do átrio). Isto parece que foi o trinta de Xunho de 1920, no tempo das cereixas maduras.

MANUEL CALVIÑO SOUTO

.

AS MEMÓRIAS DE MANUEL DA CANLE (128)

Publicado o15/09/2023por fontedopazo | Deixar un comentario

No tempo das cereixas maduras, fixem um pouco de vinho delas, e como o puxem nunha garrafa pechada durante um mês, resultou num cúmulo de calamidades. O dia oito de Xulho, antes de comer, sobre as duas e meia da tarde, probei apenas meio dedal. E, acto seguído, começou-me a fazer efeito, com tal condiçón que se me subíu à cabeça dunha maneira semelhante ao romeo da páxina 139, mas muito mais perigosa. Afectou-me o organismo interno de tal modo, que me faltaba o aire quase de todo, e quedando-me várias maleitas que puidérom chegar a ser mortais de necessidade. Hoxe, treze de Agosto, ainda padeço os síntomas, dos quais darei detalhes mais adiante. Sucesso do dez de Xulho de 1920 (Sábado). Fún-me deitar, mas, acto seguído, inesperadamente, unha ideia “cogitacionem carnalem que copulan quam e Coladera”, unha ideia fixa e firme, que me resultaba impossíbel destituir. Dei voltas e revoltas, e non puidem dormir “. “Usque facit” P. O caso é que, me convinha levantar cedo para ir à misa, mas acabei dormindo todo o dia, até bem entrado o Domingo. Depois, fún a Pontareas, onde tivem a notícia da morte do Sr. Caetano (Q.D.E.P.). O dia trinta e um de Xulho de 1920 (Sábado), vinha Antonio da Caldereta de Ponte, e falou-me que fora por unhas peras a Uma. Calhou-me vir de volta com Maria Rosa da Costa, e quedei com ela de ir ao Senhor de Guillade, mas tivem unha zaragata com Pintos. Á noite sonhei com a sua nái o seguinte: “Tu non vaias à Costa, porque andam enrriba dela para a deshonrar”. O dia dez, festa em S. Lourenzo de Oliveira, vinhem com Manuel da Sorda que estaba nunha tenda comprando unha libra de azúcar e deu-ma, e eu dei-lhe um peso de prata. O doze de Agosto de 1920, meteu-se-me na cabeça ir a Mondariz, cheguei ainda de noite, e tán pronto arribei, o galo saltou da capoeira e cantou!

MANUEL CALVIÑO SOUTO

.

AS MEMÓRIAS DE MANUEL DA CANLE (129)

Publicado o17/11/2023por fontedopazo | Deixar un comentario

Voz estranha, o primeiro de Dezembro de 1919. Encontrando-me eu doente a causa de um grande mal. Pouco mais ou menos, sobre as duas da madrugada, depois de ter despertado duas vezes. Tán pronto como acordei, ouvim perto de mim, unha voz que me dixo: ¡Olá Manuel! A referída voz, non me era conhecída. E a terceira noite, voltou a aparecer-me e a repetir por terceira vez, mas desta non tán clara xá. Eu quedei com o pensamento sobresaltado, e o meu corpo estaba exânime. Passando escravidón e terríbeis disgrácias, que com a axuda da bendita misericordia de Deus, logrei superar. O dia vinte e oito de Agosto, fún ao Socorro de Oliveira, e o dia trinta a Vigo, para tomar os banhos. A primeira noite, vem o “Spírito malo”, para molestar-me. Pagaba eu daquéla seis pesetas por noite pola cama. A segunda noite, díxo-me unha mulher de Filgueira, que marcha-se sem pagar, a causa de unha zaragata que tivéra com a pousadeira, por culpa de uns cartos que faltarom. Mas, ao fim, os cartos acabarom por aparecer. De todas as maneiras eu marchei sem pagar. Cheguei ao Porrinho no tranvía, e aproveitei para visitar o “Spiritísta” do Porrinho (Mos), chamado Senhor Juan do Roxo (impostor). O dia dez de Septembro cheguei a Pontareas, e non houbo um cristiano, que me dera pousada pagando. Partín entón a pé, cara a Santiago de Oliveira, onde arrivei perto das dez e meia, pernoitando num coberto que tinha a Flora. Como poderám ver os meus leitores, nem as disgrácias, a falta de fortuna ou o azar, conseguírom acabar conmigo. A pousada de Vigo, era no 37, penso que rua de Santo Tomé, e a taberna onde comía José Guil, rua alta nº 9. O dia dezasseis de Septembro de 1920, fún a Matamá, e encontrei as ovelhas no milho, chegou depois a velha para as botar fora, e atirei-me a ela no meio do milho. Mas, marchou como veio, poque a potência cesou. Logo, chegou o neto e mordeu-me unha mán, polo qual tivem que dar-lhe dous lapotes. Entón, para rematar a faena, voltou a senhora e saltou a alarma xeral.

MANUEL CALVIÑO SOUTO

.

AS MEMÓRIAS DE MANUEL DA CANLE (130)

Publicado o20/01/2024por fontedopazo | Deixar un comentario

Relaçón de Leonor. O dia vintiseis de Março de 1921, Sábado, encontreime com Leonor, depois que chegarom aos meus ouvidos faladorias, de que andaría amigada com o da Presa. E, logo mais tarde com o Fadista. Díxo-me, que agora falaba com um individuo chamado Silva. Estivémos alí xuntos durante um tempo os dous, parecía estar posseída por unha pena passional, non de um amor, mas de unha vontade céga. Depois do acontecído com estes fulanos, busquei um motivo para voltar a encontrarme com ela, algo assím como um estudo filosófico sobre os cataclismos da condiçón humana, e aprender mais algo sobre a natureza do sexo feminal. O Domingo de Ressureiçón, vintisete de Março de 1921, pola hora das duas da tarde, saím a passear por Matamá, Matamao ou Castro Mao, e na Verea Velha dei um tiro ó aire. Mais adiante encontrei-me com unha cobra, que logrou esquivar o penedo que gratuitamente lhe atirei. A verdade é que essa noite non passei muito bem, e estivem bastânte inquiéto. No dia seguinte, dei unha volta por Guillade, Vilacoba e Taboexa. Este día, passei unha fame-negra. O três de Abril, fun às visperas das Angustias à noite, e estivem com a Vareira. O Domingo dia dez, fun xunto de Leonor, com a qual estivem até as doze da noite! Os olhares caíam, e tivémos unha luta de amor, quedando eu afeito “ex natura ejus”, e como ela non paraba quiéta, acabou por me derrotar completamente.

MANUEL CALVIÑO SOUTO

.

AS MEMÓRIAS DE MANUEL DA CANLE (131)

A Segunda à noite tivem malos sonhos. Era um home que eu correra à pedrada, e logo de ir xá lonxe, se me representou como cabalgado. Dias antes destas lutas, xá sonhára que Leonora passára por mim e non falou nada, e eu tampouco díxem nada, como se nos despreçáramos. Había também muita xente, que profería palabras que non logro recordar, mas que me parecía que era o nome do Silva. O dia doze sonhei com Leonor, da mesma maneira que fixéra o dia dez, tudo igual, só que ó nosso lado estaba muita xente que non conhecía e xunto com nós Aldemira da Sorda. Eu levantando-me, atirei com Aldemira de costas, avistando-lhe a natura, ergo! Estes sonhos, non traíam nada de bom! O dia treze, fún xunto dela, e fíxo-me as carícias que sonhára. Ao vir, cheguei à Cruz-do-Balado, e vexo um Spírito xunto de mim. Escafedim-me e non parei até arriba do Roupeiro, onde me vem um pensamento tán vivo, que parecía estár a meu lado Pepe da Graña (que em paz descanse), e alá fun seguindo, escapando de um ruído cada vez mais forte, como me passára no monte de Novás. Botei a fuxir, para meter-me no carreiro que vai para casa. De noite, na cama. voltou a atormentar-me um home. O dia quatorze e quinze, ela andívo para o “Furudo”, e eu fun xunto dela e a esperei na sua casa até às onze da noite, encontrei-a indiferente. Tomou-me da mán, e combinámos ir a San Benito de Palermo em Angoares, o próximo Domingo dia dezassete, a que tivem a honra de assistir por vía dela, e vinhem com ela, mas non me fixo as carícias como antes. O dia vintium de Abril, Xoves, tinha estádo com Abelino da Flora e recomendou-me que lhe matára unha cobra gorda, que também a sua nái tinha intençón de pedir-mo. Dabam-me duas pesetas se lha colhía, decíndo que era para fazer um caldo para remédio, o qual a mim se me figurou asunto de bruxaría. À noite fún xunto de Leonor e a encontrei muito esmorecída, dixo que estivéra todo o dia na cama. O Domingo, 24 de Abril, estivem com Leonor, afirmando esta, que xa estaba algo melhor, mas as carícias cessarom; e non voltarom mais. Deus guarde a vossa mercê. Domingo, 25 de Abril de 1921, Guillade, lugar da Portela.

MANUEL CALVIÑO SOUTO

.

AS MEMÓRIAS DE MANUEL DA CANLE (132)

Publicado o03/05/2024por fontedopazo | Deixar un comentario

Unha Anotaçón: O dia vintiseis de Abril de 1921, fún a Ponte, ao vir de volta por Fontenla, naquel olheiro (presa), que se encontra ao passar as cabadas, vexo vir pola áuga unha cobra pequena frente a mim, com um cagote na boca; eu vinha comendo pán, e ela parou-se mirando cara a mim e eu para ela, por momentos, logo seguíu viáxe. O quatorze de Maio, comprei unha roda de sabugueiro e fún xunto da “Baragera”, falando com ela sobre um sinfím de desatinos, etc… O quinze de Maio, indo eu xunto de Leonor, por um lugar chamado Folgado e no caminho encontrei outra cobra pequena, e deixei-na ir. Ao chegar alá, encontrei-a com o Silva, ela vem comigo e el seguíu-nos os passos, e dixo que me quería dar unha carga de porrada. Escondémo-nos, mudando de sitio. Andando eu assim escondido por muito tempo, até que unha vez me encontrou perto da igrexa, e correu em pós de mim. Nestes intervalos, eu sonhava com muita xente que non conhecía, a qual estaba ou parecía estar acabalo, e eram homes. Sei que Leonor non daba ocasión, às vezes abrazába-se a mim, mas a potência era a que me faltaba. O Domingo três de Xulho de 1921, quedei de ir o dia seis, estabamos acostumados a ir em dias alternativos. Correspondíame ir o dia oito, mas, quedara de ir xunto da Sibila e non aparecim. O dia sete à noite tivem o sonho seguinte: polas quatro horas da noite, passaba eu por um caminho e vim o Silva a um lado, como que saía dunha casa ou de entre unhas casas, eu apurei o passo e saím correndo, ao lonxe mirei para trás e vim a minha tía com um saco ó lombo, o Silva correu para ela para bater-lhe, ráudo eu voltei costas para arrear-nele. Entón, el vem para xunto de mim e sentou-se, e eu berregaba airádo com el, gritába-lhe que fora para xunto dela… que non quería estár agora discutindo sobre esse outro asunto, etc… Voltei a pegar no sono, estaba agora em Troncoso, com unha rapariga que non conhecía, e gozei-a, derramando-se por mim o leite dos amores. Despertei, eram as seis e meia da noite. Desde as três primeiras lutas, que non conseguía o meu intento, e que o oráculo me pedía que a esquecera, que por culpa dela, perdera a fé e a pena me dominaba.

MANUEL CALVIÑO SOUTO

.

AS MEMÓRIAS DE MANUEL DA CANLE (133)

Publicado o03/07/2024por fontedopazo | Deixar un comentario

Hoxe o Oráculo, adivinhou que eu habería de me encontrar num futuro próximo com o Silva. Aínda, que non esperaba grandes milágros désta entrevista, e que eu talvés fixéra bem em dar-lhe unhas lambadas. Tudo eram queixas, que o tempo e a desgráça vam acumulando, e nos obrigam fatalmente a cumprir os acontecimentos que o Oráculo profetizára. O dia dez de Xulho de 1921, fún a xunto do “Rula”, para fazer unha consulta. À volta, passei por xunto de Leonor, alí me deu de cear. Os dous sentados na lumieira do portal da eira, um prato de peixes e dous quartilhos de vinho azucarado, e mo fíxo beber todo. Os efeitos, resultarom mortais de necessidade. Apanhei semelhante borracheira, que quedei completamente perdido. O Domingo, na casa do Torras, tivem unha modesta pelexa civilizada com o Silva, paréce-me que foi do dia 17 ao 21 de Xulho, que era o Domingo da novena do Santíssimo Cristo. O dia 15 de Agosto de 1921, passei por xunto de Leonor, para lhe dizer que iba a Mondariz (aínda que na verdade, non pensaba ir). Polas duas da madrugada, acordei resentido e assanhado, por ela me ter obrigado a traer o pán à força. Xá na sua casa, finxíra ter acidéz e pedín-lhe um pouco de aguardente, e ma botou pola tésta. Levantándo-se, empurrou-me o pán, e dixo que era unha despedida. Alá vinhem eu, com o pán debaixo do braço, que lho tinha dado o Rodríguez por algo, e também o relóxio, que lho deixára por algum tempo. Haber se a Divina Providência, nos encaminha a futuras relaçóns. Novas amizades. Novos relacionamentos.

MANUEL CALVIÑO SOUTO

.

AS MEMÓRIAS DE MANUEL DA CANLE (134)

Publicado o03/09/2024por fontedopazo | Deixar un comentario

O dia dez de Outubro de 1921 (Segunda), fun a Cerdeira xunto ao reloxeiro, saím da minha casa às onze e vinte. No pinheiral do Pousadouro encontrei-me com Manuela… logo seguím viáxe e às três da tarde xá estaba com o reloxeiro. Cheguei à minha casa polas nove da noite. O dia nove de Febreiro de 1922… pola hora das três da tarde, encontreime dolorido e molestado pola interxeiçón da páxina 11 que me tinha dado sonhos malos. Um costipado enorme que me começára o dia oito, e polas dez e vinte como que me picaba a cabeça, é decir, que a interxeiçón me fazia dormitar. O dia vintisete de Xunho de 1922, polas cinco da manhám saím da casa com destino a Salvaterra para ir ós banhos de Monzón, e estívem duas horas com o carabinero e non me deixou passar. Dei unha volta pola praça, e demorei um pouco perguntando para onde ibam uns carreteiros, e dixérom que para Pontareas e se queria também para Guillarei… acto seguído um guardia detívo-me e levou-me para o quartel, mas logo me soltarom. Vinhem de volta e às três xá estaba em San Medrián, e às quatro em Lira (alí demorei o meu tempo), logo passei por Pontalta quando eram as cinco e meia e cheguei à casa às sete da tarde. Non me aconteceu ningunha desgraça, mas, a sorte há que pedíla a Deus.

MANUEL CALVIÑO SOUTO

.

AS MEMÓRIAS DE MANUEL DA CANLE (135)

Publicado o16/10/2024por fontedopazo | Deixar un comentario

O dia sete de Agosto de 1922 (San Domédio), polas oito da manhán, fun xunto do Rula, para sacar um dente do queixal de baixo do lado esquerdo. Quedei com muita dificuldade, porque a dôr parecía abranxer toda a cabeça, e ainda que o dente estaba cariádo, parecía ser algo debído a unha insolaçón que colhéra na Primavera e todavía estaba aí a essência da dôr. Viáxe (1924), 25 de Xunho, Quarta feira, fún a Vigo. “Cucurrit mal vita me, vide signo” (parece ser que foi aquí, onde lhe prometí os quatro duros…). Profecía (galinha). O desgraçado dia três de Outubro de 1925 (Sábado), unha galinha negra que eu tinha, asustára-se num sucalco perto de Novás, dentro do eido. Chegou com uns poucos de pitos, e deixou quedar os outros polo caminho. E, polas doze horas do día, apareceu escapada e entrou no quinteiro. Diante da porta da casa, cantou duas vezes de galo. Non de unha maneira idêntica, mas, como um xesto imitativo. Nos, nón fixémos caso, atribuíndo o asunto a diferêntes possibilidades. Actualmente, parece ser que chamaba polos pitos, para que ouvissen a longa distância. A minha senhora nái, andava também endemoniáda, e estes dias deixei-a em liberdade, e fún para a casa debaixo. A vinte e tantos de Septembro de 1925, durante estes acontecimentos, tivem unha “Conxunçón” com a Milindra (criada de Marcial). Ela, quíxo dormir dentro da minha casa, no canto da lenha. E desafiou-me, mas, debído à minha doênça, a minha senhora nái, que se levantou da cama, correu com os dous, quedando a questón sem efeito… Três ou quatro meses antes, díxo-me a Senhora Carmela do Manteigueiro, que quería que lhe casára com a filha. Transcorrerom esses meses e mais, e eu só a vía quando me chamaba para escreber algunha carta, mas, non falábamos nada referênte a namorar, e se lhe fazía algum xésto, punha unhas ventas carrancudas como desprezando-me.

MANUEL CALVIÑO SOUTO

.

AS MEMÓRIAS DE MANUEL DA CANLE (136)

Publicado o05/01/2025por fontedopazo | Deixar un comentario

O dia dous de Febreiro de 1926, fún visitar a Senhora Tomaza (…) e o día dezaseis, terça feira de carnaval, houbo festa na Cabadinha. Tivem ganas de bailar, e à noite quadrou chamar a Maria do Manteigueiro. A Senhora Tomaza decía que saía unha rapariga comigo, e eu non sabía quem era; até me perguntou se eu queria casar, e eu voltei a responder, que por agora nón, grácias (por cousas minhas). O dia vintioito de Febreiro de 1926, Maria do Manteigueiro veio à minha casa, por primeira vez, de noite. O vintinove, colheu-me unha ideia com ela… O dia quatorze de Março de 1926 (Domingo), pola hora da tarde, caíu a casa toda no chán, e só quedou a terceira parte de pé, para xunto da xanela, eu tinha ído a Pontareas. Uns dias antes das Angustias, Dorinda das Carbalhas, pedíu que lhe dera unha bailada. No dia onze de Abril (Segunda de Angustias)… O dia quinze, fún escreber unha carta à Carmela, e à noite acompanhou-me até à minha casa a sua filha e a criáda (Isolina da Febrabella), habia no ar inspiraçóns de amor, com a dita Maria. O desgraçado dia dezaseis, polas onze do día, cantou unha galinha de galo, identicamente, até batía as asas, talmente um galo. Eu, ví-a estar a cantar detrás da casa do Marcial (daTaberna), virada cara a Mouriscados, a galinha era da minha nai, e aquí cessou a inspiraçón. A vinte e tantos de Abril de 1926, a galinha negra de que xá fixem mençón nas páxinas anteriores, começou muito de manhám, e parecía talmente um galo novo a cantar. Mas, dando-lhe voltas ó caso, unha manhám despido de roupa a ví cantando furiosamente no quinteiro, viráda para Novás, que parecía que se metera o démo nela, cantando identicamente e batendo as asas furiosamente, que até me deu medo. O dia dez de Maio de 1926, às duas da tarde, estívem com a Sra. Tomaza. Non dixo nada, só ouvir, meditar, xulgar, observar e calar. Dixem-lhe que eu estaba doente e que non podía aproveitar-me dos benefícios que me acaecíam, e que tinha que ir ao médico… Sexa por isto, ou por que non quería que voltasse eu alá, o que aconteceu é que à noite me sentín mal. O día dezanove de Maio de 1926, reunirom-se unhas trinta e quatro pessoas, com dous arados e semêntes compradas por eles, e cultivarom-nos as veigas todas gratuitamente, à minha Senhora Madre (que se encontraba doente de um bulto no peito e dor de brazos) e a mím.

MANUEL CALVIÑO SOUTO.

.

AS MEMÓRIAS DE MANUEL DA CANLE (137)

Publicado o04/03/2025por fontedopazo | Deixar un comentario

Pensamento, hoxe 13 de Abril de 1926. Até se podería mudar a sorte, mas há duas cousas no mundo que non se podem mudar. Poderíam-se abolir, mas non trocar. A vida e a Sciência (sapiência). Foi perguntádo aos Spíritus (oracularmente) , e responderom o seguinte: Generosa Iglesias faleceu o três de Xaneiro de 1926, e está a entrar no reino de Deus. A minha avó e demais achegados, tenhem algunhas penas, que están ainda por purgar, mas, que também levam bom caminho de entrar. Os Spíritos falárom isto: estám no terceiro último degráu, e ván caminho de entrar no segundo degráu. Perguntádos por raparigas? Calarom! Repentinamente e definitivamente! As “pragas” que me votou minha nái, non tenhem valor diante de Deus! Que, fago bem afastarme déla, mas non absoluctamente. Que estou abouxádo, a causa dos meigalhos que os velhos lhe botarom à casa. E, também algo que actualmente axa. Que a Jardana desfará o feitíço. Sobre a minha doênça, que farei bem em visitar a Senhora Tomaza. Declaro que tenho que tomar a pomada mercurial antes, com receita médica. Que non me fán falta exorcismos feitos por outrêm, nem inxeçóns médicas de sulfuros. Que, fago bem estar solteiro, por um par de anos, repito… Também foi perguntado, se Maria do Manteigueiro me esquecêra? Nem sequer se moveu! Que non ocurre pecado, por perguntar-lhe muitas vezes, e por andar a botar as cartas em público ou particularmente! O caso é, que nestes dias, cessou-me a “inspiraçón” afortunadamente.

MANUEL CALVIÑO SOUTO

.

AS MEMÓRIAS DE MANUEL DA CANLE (138)

Franqueira. Voltarom os tempos ao seu primitivo estado, ou a pior, etc… O dia dezaseis de Xulho de 1926, sonhei, e parece-me que foi polo dia, que andaba Dorinda das Carbalhas na minha nogueira, a roubar-me as nozes. O caso é, que a nogueira xá non existia. Logo, fuxíu polo portelo e voltaba por Dornelas, onde estaba o seu pai e o Motreta. Entrei no presídio, o vintiseis de Xulho de 1926 e saím a um de Agosto, às onze cinquenta da manhám, dia do santíssimo Cristo de Uma, Domingo. O dia vintinove de Septembro, marchou a minha querida nai para os banhos em Vigo, e nesse dia andei com o Camanho a cargar pedra, para facer um quarto dentro do éido, em cuxo lugar estivéra a nogueira, que depois secára. A minha querida nái tardou dos banhos dous ou três dias. O dous de Decembro, houbo um cabo-d’ano por quatro difuntos… O acto tivo lugar em Canedo, e fún eu dispô-lo. De noite, apareceu o Spírito sobre mim molestândo-me. E, minha nái dixo, que ouvira unha voz, que chamaba por ela, e que fora unha voz de home, que non logrou reconhecer. Os antepassados, encargarom-lhe à minha querida nái (xá o tinha que ter feito antes), mas, resolveu-se agora, porque lhe dixérom que se o facia deixaria de sonhar. Apesar disto, aínda se puxo pior. Desde hoxe, começou a receber limosnas. Recebeu unha manta da Furuda e um pedazo de pán. Da Masquina, unha peseta e um anáco de toucinho. Do Ganhabém… O dia nove de Xaneiro, fún com a minha querida nái ao Rula. O três de Febreiro de 1927, polas quatro da tarde chegou o Senhor Beático. Ela tinha fuxído com a dor, e estaba comigo em Matamau. Recebeu esta notícia pola sua sobrinha Dolores, e foi prá cama receber o cura.

MANUEL CALVIÑO SOUTO

.

AS MEMÓRIAS DE MANUEL DA CANLE (139)

Publicado o20/07/2025por fontedopazo | Deixar un comentario

O dia quatro de Xaneiro de 1927, a minha querida nái fuxíu com a dor, e escapou para Mondariz. Foi ao médico, e logo passou por xunto da sua irmán María. De regreso visitou a senhora Tomaza, e vem pola Esquerência (Cumiar), apousentando-se alí uns dias para fazer algúns remédios caseiros. A dor dezía-se, que algo lhe passára. Chegou o dia sete (Segunda feira), polas nove cinquenta da tarde, moribunda. O dia dez de Xaneiro de 1927, pola tarde, apeteceu-lhe beber vinho branco. Mandou-me traer um pouco à noite, e tán pronto o bebeu a dor foi mortal. O dia vinte de Xaneiro (Domingo) de 1927, mi madre dixo que fosse a San Medrián a xunto da Chiva, para que lhe busca-se a vida. Eu, por non dar um grande passeo, fún à Senhora Tomaza, que vinha a ser o mesmo. Neste dia o Ferreiro de San Martinho prestou-me unha tarraxa, había tempo que me doíam os brazos (unha dor desconhecida). O dia vintioito de Xaneiro de 1927, neste dia déron-me unha untura de ruda no brazo, e ao momento me passou, para depois aumentar e estacionar, mas de modo algúm cesou a dor. O dia 13 de Febreiro de 1927, saím de madrugada por ordem da minha nái, e fún ó Porrinho buscar unha purga de “contra-malefacto”, que era feita nunha botica que se dedicaba a estes medicamentos. Também a minha senhora nái atestaba que lhe tinha que fazer bem. Aproveitei, para mercar um torno de relóxeiro por seis pesetas, a um fulano do lugar. O Brazo em que déra a untura, estaba exânime e a dor passara para outras partes, retornando logo para o brazo, por vezes ainda mais pontiaguda. O desgraçado dia, para mim tán triste do 15, “ego facit conjunctionibus con ovileus parturienta sit h. 11,30 post, dicitur mater mea aquan fers sit vivam”. Como a minha querida nái tinha um bocabulário e unha forma de falar, que era unha autêntica barbaridade. Algunhas vezes, por culpa disso, eu me desesperaba e a tratába mal. Com desdem, e algunhas vezes ainda pior.

MANUEL CALVIÑO SOUTO

.

AS MEMÓRIAS DE MANUEL DA CANLE (140)

Publicado o27/08/2025por xosepubli | Deixar un comentario

.

O dia vintiseis de Decembro de 1926, fún a unha mesa adivinhatória a Troncoso (fonte limpa), que me díxo que non ganhaba nada, e que, quantos remédios me mandábam fazer, igual que os que fazía eu por minha conta, eram completamente inúteis. Eu, fazía-o por fazer, e também para que a minha mente non se alarma-se. Ó pé da dita mesa, ví unha inscripçón do célebre spiritísta beatíssimo padre Domingo Alamartín. Pida a sua Santidade, que nos alcance a bendiçón Apostólica, a todos os nossos consanguíneos, até à quarta xeraçón, e indulxência plenária “in artículo mortis”. O dia 14 de Xunho de 1941, encontrando-me doente de gravidade fún a Pontareas, depois de estar um mes de cama, com unha pulmonía costal. Neste dia, arriba assinaládo, consultei “La Sonâmbula”, ela non queria consultar-me, e por fim consultou; foi a primeira que profetizou a minha partida deste mundo, e que tinha que sofrer muito! Tinham-me roubado o milho, e com a doença, nem sequer me dei conta. Em Xunho de 1941, como por milágre, às onze cinquenta da noite, sentín um broucazo, fún ver, e encontrei dous fulanos a roubar o canastro. Apesar do estado calamitoso em que me encontraba, lutei com eles e acabaron por marchar. Nada lhe fíxem, nem nada se me passou pola cabeça fazer. Andaba eu azamboádo por estes dias, e fún a Ponte, xunto do “Villergas” (fazía bendiçóns), e díxem-lhe que dormía alí pagando. Díxo que aceitaba, mas que tinha medo que lhe puidéra morrer alí na casa.

MANUEL CALVIÑO SOUTO

.

AS MEMÓRIAS DE MANUEL DA CANLE (141)

Publicado o20/11/2025por fontedopazo | Deixar un comentario

O dia sete de Xulho de 1941, fún a xunto da Senhora Tomaza. Ela puxo mil dificuldades à cura. Saíu a alma da minha difunta madre, e a da minha tía. Botou-me unhas bendiçóns e recomendou-me que mandára dar unhas missas, pois que ainda que non facíam força, mas que as aceitabam. Em todo caso, non estabam em mal lugar, e que desde alí pedíam por mim. Perguntou-me, se lhes tinha feito o enterro e se lhe tinha dado algunhas missas, etc… Díxem, que sím, e isto agradou muito à Sibylla, que afirmou: Bem me lo parece! Pois bem fixéches! Isso foi o que te salvou! De Outubro a Novembro de 1926 (parece que neste intervalo foi quando eu fún a Lira com a minha querida madre, a xunto do Senhor Cura, para que lhe fixéra os evanxélios). Ela quedou alá três dias, e depois eu fún-na buscar, e nada de bem lhe sentárom. Em Xulho de 1926, parece ser que o dia vintioito ou vintinove, foi quando a minha querida madre me visitou no presídio, queixando-se do brazo. Em Agosto de 1927 (recibim o libro Carabaca; e o vintium de Agosto de 1927, comprei a Herculano La Fragua. Março, quatro de 1927, à unha e quarenta da tarde, faleceu a minha querida nái. Que em paz descanse! Cuxa história relatarei mais adiante por separádo e com todos os detalhes. Em Canedo, foi feito o enterro de Maria Calviña a 21 de Xulho de 1930, às oito e meia da manham, homenáxem que lhe dedica o seu sobrinho… assistí à Santa Misa… Sed Deus super omnia.

MANUEL CALVIÑO SOUTO

.