![](https://guilladenses.com/wp-content/uploads/2020/12/img_9890.jpg?w=768)
ENTREVISTA COM O ALCAIDE DE GUILLADE
Que tal o alumbrado?
Está-se realizando um proxecto (parece ser muito custoso, pois tenho entendido que sobrepassa os cinco milhóns) e estám-se introducindo modificaçóns, bastante mal recebidas polos vecinhos, pois non melhoram em absolucto o proxecto orixinal.
Pode precisar algo em concreto?
Pois sim, precisamente no “torreiro” da fésta, tinha-se proxectado seis farolas, com as suas respectivas lâmparas tipo “globo”, como se pode admirar em alamedas e parques públicos. Quando se iniciarom as obras da instalaçón do alumbrado, desde o poder municipal forom buscar outras pessoas mais manipulábeis. E no “torreiro”, em lugar das seis farolas proxectadas, puxérom unha farola enorme de três brazos, colocada no centro do recinto. Isto, ofendeu grandemente a xuventude, porque tinham unha pista de ténis no centro do “torreiro das féstas”. E, como consequência, da noite para a manhám, apareceu a farola espandilhada no chán. E, logo, pergunto-me quanto custaría trazer éste poste e arrincá-lo do lugar onde estaba, para o qual tivo de vir unha grúa desde Vigo. ¿Non houbéra sido melhor, collocar as seis farolas mais modéstas? Xá que estabam no proxecto, e non incomodaríam a ninguém.
Apesar de tudo isto, non está contento com o novo alumbrado?
Pois, sinceramente non! Acredito que o gasto é excessivo, e o proxecto xamais foi respeitado, pois também estaba previsto iluminar o cemitério, e foi algo que birlarom. Ademais, da “Cruz do Balado”, lugar cêntrico da aldeia, que ficou sem “super-farola” e ás escuras.
Quer despedir-se dos seus convecinhos?
Efectivamente! Um saúdo para todos, desexár-lhes unhas felízes féstas, e decir-lhes que apesar das cousas, que por unhas ou outras razóns se fán mal, a aldeia tem o dereito e a obrigaçón de denunciá-las, para conseguir para todos um futuro melhor.
PUBLICADO EM A PENEIRA (ANO I-1984)