Azeite derramado, o 21 de Xaneiro de 1917, às 5,30 da tarde, partín unha botelha cheia de azeite, caíndo todo polo chan. Eu andaba com um custipado peitoral (vexa-se pag. 57), que me tinha comezado alá polos princípios do mes, debaixo do peito, com grandes esputos muito espessos, quedando-me unha dor de peito, como que me faltaba o aire e facendo-me grande presón. Só quería respirar aire fresco. Hoxe, 11 de Abril de 1917 cesaron os esputos, quedando unha dor de peito, de estômago e de pulmóns. Dor muito suave fina, como parecida a àgua fervendo, parecida a unha ferida, quando levas um rascazo de algunha cousa como por exemplo dunha carqueixa. Mater mea testicum, o día 6 de Septembro de 1917, foron as testemunhas a Pontareas polo pleito do Nube e do Vinagre, e mater mea foi unha delas, a Pelitrona foi outra por parte do Nube, em que os contrários se afirmabam de falsos. A pior de todas, era mi Senhora Madre (…), de parte do referido Vinagre. Todos se acomodaron, e resulta que non houbo xuízo. Eu ainda me doía do peito, e tinha todo o corpo dolorido, agravando-se-me a dor dos quadrís, que todavía era bastante forte (pag…) O dia 5 à noite, vespera do 6, tivem o seguinte sonho: sonhei que estaba num sítio desconhecido, que logo passou a ser Mondariz, e andaba à busca de non sei quê, que me tinham roubado, despois pulei por um sítio arriba……………………. etc, etc… É decir, este sonho levou mil voltas, que non logro divulgar, mas por fim aparecím na minha ventana, mirando cara ó sul, onde diviso unhas mulheres que non conhecím, ningunha me parecia, e eran novas, grandes, pequenas e até casadas. Logo, vexo Caetano montado num grande cabalo com aparelhos pintorescos que corría a galope, (como que com orgulho) até à Ferreira, logo voltaba para xunto das mulheres, e sem parar nem dicer nada continuou as suas correrias. Entón, saím eu na direçón das mulheres, que me perguntarom ¿Beberom muito vinho? ¿Tu non bebeches vinho? ¡Non! Bem, aquí findou a visón.
MANUEL CALVIÑO SOUTO
O Pomar 