.
Para un ser omnisapiente, yo no soy el hombre
Que ese jardín hace temer. Sin embargo, lo he creado.
Adolfo Bioy Casares
Estou namorado:
vou facer un xardín
en torno da muller que está no penedo,
pra que fique contenta.
Un irmán meu
filma o meu pasatempo.
Tamén o filma a dobre da muller
que está no penedo.
Á medida que vou colocando flores
arredor do penedo
voume alonxando dela.
Decátome deste detalle cando xa estou moi lonxe.
Decido entón comezar
a arrincar as flores, fila por fila, para non pisalas,
pra acercarme á muller.
Cando chego ao penedo
a muller xa non está alá, desapareceu.
O meu irmán filmou todo,
o meu pasatempo e a fuga da muller.
A dobre da muller filmou todo,
o meu traballo e a fuga da muller.
E agora todos se preguntan
se eu son ela
e
se ela xa non é eu.
O Pomar 