.
Di que si, que a vida é bela,
anque demasiado vella
e encarcerada pra calquera,
mais di que si porque pensas
anque non saibas o que digas
anque digas sen pensar
que tés xeito
e podes chegar a ser poeta
se es fino e aprendes
a intelixencia da Cleopatra
de Bernard Schaw:
a súa sintaxe, o seu efecto sorpresa,
o seu truncar a frase e o sentido
maxistralmente: a reviravolta
sen darte conta, con inocencia,
con frescura infantil, case inconscientemente.
Sabe máis ela de poesía
que todos os poetas coma min xuntos.
Di que si, que a vida é bela,
que podes disfrutar lendo a Cleopatra,
que a poesía non é retórica,
nin tontería, nin aburrimento,
nin estúpidas prisións
de verdades, bondades ou Estados ignorantes.
A poesía é a grande virtude,
xunto coa Bondade Sabia (ou Milagre)
a única virtude.
O Pomar 