.
.
Talmente as illas polas augas
saberte rodeada por um mar de frondes
sempre vivas de brisa e luz
saberte nena con pombas muller
Nereida harmoniosa ou Afrodita
quererte illa helénica no Mundo
tamén Koré risoña e Amazona
Ménade danzante Lemnia de Fidias
saberte deusa estatua de Amelung
si ó menos saberte áurea de riso
hoxe e sempre proxenitora de albas
mentirosamente lonxana e ausente
tal unha Oseira herexe saberte aquí ancorada
ó mundo de aquí e ó mundo celeste
tal un Sobrado avesedo saberte
cómplice das montañas e das fontes
ledamente unida ó corpo da Terra
tal unha Compostela eterna por sempre saberte dona
do corazón dos deuses no medio do banquete ebrio dos homes.
francisco xosé candeira
O Pomar 