No diario El País temos a noticia da manifestación dos Indignados en Madrid o 24 de xullo. Esta vez, o lema da marcha foi “Non é unha crise, é o sistema”,
Neste outro enlace do diario El País recóllense as noticias que fan referencia ao movemento 15M.
No último enlace podemos acceder ao blog de Asemblea Ponteareas para seguir as súas entradas e participar.
Presentamos o texto da conferencia dada en Hamburgo o pasado 2 de xullo nun acto coa asociación de periodistas alemana Netzwerk Recherche, por Günter Grass, o premio Nobel alemán, onde cuestiona o sistema, ataca a incapacidade dos parlamentarios fronte aos grandes intereses, critica a cobiza dos bancos e arremete contra a debilidade da prensa.
Grass retoma O mito de Sísifo de Albert Camus, para describir a situación social e política actual e propoñernos unha vía de actuación: “Supoño que esas ideas resultarán tamén axeitadas para determinar o seu traballo de periodistas. Só temos este mundo. E como a existencia da especie humana no planeta azul é de data recente e a súa duración depende do que fagamos ou deixemos sen facer, somos responsables do seu estado. Desfigurámolo en grande medida, sobreexplotámolo e deixaremos aos nosos descendentes unha carga hereditaria inevitable. De forma que hai que recoñecer e nombrar esas e outras verdades. Hai que facer rodar as pedras. A ese traballo forzado para toda a vida anímanos Albert Camus. Di: “A loita mesma cara os cumes basta para encher o corazón dun home. Hai que imaxinarse a Sísifo feliz”.
Pode verse completo o texto da conferencia neste enlace do xornal El País.
Publicado en Conciencia social
Etiquetado Libros,Medios de comunicación,Política
O Pomar 