Vou recomendar este libro. Ten calidade literaria, e pódeche gustar se che gusta a novela histórica, e concretamente o tema do colonialismo europeo no Congo, e na selva amazónica, no Putumayo, nos dous casos co fondo da explotación económica do caucho. O terceiro tema é a loita pola independencia de Irlanda. E o fío que os xunta é o personaxe principal, Roger Casement, figura de orixe irlandés que traballou para Inglaterra como diplomático enviado ao Congo, e posteriormente ao Putumayo, que elaborou dous informes sobre os crimes do colonialismo que acadaron recoñecemento mundial, e que na parte final da súa vida foi un dos líderes do independentismo irlandés. A min gustoume e doulle unha valoración alta, aínda que na primeira parte custoume algo meterme nel, e nalgún momento parecíame que sobraba texto, por exceso de descrición na narrativa. Sen embargo, Vargas Llosa vai afondando progresivamente na psicoloxía do personaxe, e consegue cautivarme na parte final.
Categorías
Arquivo
- Agricultura Alimentación Anonymous Arquitectura Astronomía Blogs para curiosear Bos desexos Cine Darío e Breixo Economía Educación Frutais Futuro Historia Humor Indignados Libros Lingua Literatura Medios de comunicación Monte Comunal Natureza Poesía Política Procomún Publicidade Sidra Socioloxía Software libre Tradicións Viaxes Xadrez
Os nosos blogs